Mena rokutja ondatumisire ondirise i ri popezu, oviungura vyetu vyokuzuvarisa vi nohakahana. (Omiano 24:11, 12, 20) Okuvatera ovandu, matu yenene okuungurisa oukarata womahakaeneno okunanena ombango yawo kEmbo raMukuru na korungovi rwetu. Okakarata komahakaeneno nga, ke nokode ndji ku twara kokavidio nga Ongwaye tji mo sokurihonga Ombeibela? nomaṋangero wokuningira ondjivisiro yokomurungu poo omahongero wOmbeibela. Ovandu ovengi kave vanga okukambura omambo posi yokutja ve tjaterwa okuyenda korungovi rwetu. Kunao, o tira okuvepa okakarata komahakaeneno. Posi yokutja o yandja okakarata nga ku imba mbe hi nokuraisa ombango.

Ngunda amo ungura oviṋa vyoye vyeyuva arihe, mo yenene okunana ombango yomundu mokutja: “Mbi notjiṋa tji me vanga okukupa. Okakarata nga make ku twara korungovi rwetu ndu nondjivisiro yotjari nouvidio mbu mau ṱunu komapu pekepeke.” (Joh 4:7) Mena rokutja oukarata mbwi ouṱiṱi nawa, mo yenene okukara na tjiva mondjaṱu yoye kutja u yandje kovandu tji wa munu oruveze rwokutjita nao.