Hapo ovikaṋena viṋe mbi u vanga mepanga? Ngahino u vanga kutja ri kare nouṱakame, otjari, nouharupu. Jehova u novikaṋena imbyo avihe. (Eks 34:6; Oviung 14:17) Eye u ku puratena tji mo kumbu. Eye u ku vatera tji mo hepa ombatero. (Eps 18:19, 35) Eye u ku isira ozondataiziro zoye. (1Joh 1:9) Jehova tjiri epanga ewa!

Mo yenene vi okurira epanga ra Jehova? Rihonga ohunga naye mokulesa Embo re. Mu raera oviṋa avihe. (Eps 62:8; 142:2) Raisa kutja u vara oviṋa mbi ri ovinanḓengu ku Jehova, tjimuna Omuna we, Ouhona we, nomakwizikiro we womoruyaveze. Raera varwe ohunga na ye. (Deut 32:3) Indu tji wa kara noupanga wopopezu kuna Jehova, eye ma rire epanga roye nga aruhe.—Eps 73:25, 26, 28.

TARERA OKAVIDIO NGA MITANDA—“ROREYE NU MU RIMUNINE OUWA” WA JEHOVA, OKUZAMBO ZIRA OMAPURIRO NGA:

• Mo yenene vi okurirongerisa okuriyandja ku Jehova mongumbiro nokupapitisiwa?

• Hapo varwe mombongo mave yenene okukuvatera vi okukarera Jehova?

• Otjiungura tjokuzuvarisa ma tji ku vatera vi okukara noupanga ouwa ku Jehova?

• Oviungura viṋe mbi mo yenene okuungura motjira tja Jehova?

• Ongwaye tji wa suvera Jehova?