Jesus wa zuvarisa “Ombuze Ombwa youhona wa Ndjambi.” (Luk 4:43) Eye wina wa honga ovandu okukumba ohunga nOuhona mbo. (Mat 6:9, 10) Mu Novemba, matu sokutjita ozongondjero zokuraera ovandu ohunga nOuhona wa Mukuru. (Mat 24:14) Ṱuna oviṋa mehupo roye kokutja u yenene okukara norupa momahandjauriro wapeke nga. Imba avehe mbu mave vanga okukarera otjovakandjira ovavatere mave yenene okutoorora okuungura ozoiri 30-poo 50 momueze mbo.

Hanasaṋa etjangwa ohunga nOuhona wa Mukuru ku novandu ovengi momaturiro weṋu. Indu tji mo toorora etjangwa ndi move lesere, ripura kutja ovandu momaturiro weṋu ve kambura movikeṋa. Indu omundu tja raisa onḓero, yandja okambo kOruhungu No. 2 2020. Okuzambo hakahana okuyaruka komundu ngwa raisa onḓero ngo, nu u ute okurihonga Ombeibela kuna ye, mokuungurisa embo okuza mOviungurisiwa vyetu vyOkuhonga. Moruveze rwatjimanga Ouhona wa Mukuru mau ye ku nyona ozohoromende azehe zovandu. (Dan 2:44; 1Kor 15:24, 25) Kunao, matu sokuungurisa omahandjauriro wapeke nga, okuraisa ouṱakame wetu ku Jehova nOuhona we!