Ovahongonone va Jehova ve nondjikonekero yapeke. Otjovakriste mba papitisiwa, matu sokuyenda komurungu okukurisa oupanga wetu kuna Jehova. Eye wetu yeta popezu na Ye okupitira mOmuna we. (Joh 6:44) Eye u puratena kozongumbiro zetu.—Eps 34:15.

Matu yenene vi okuṱakamisa oupanga wetu kuna Mukuru? Matu sokunakaura omikambo vyourunde Ovaisrael mbi va toora. Tji vaza nokutjita omerikutiropamwe kuna Jehova, owo va ungura ondana yongoldo nave rikotamenene ku yo. (Eks 32:7, 8; 1Kor 10:7, 11, 14) Mape ya atu ripura omapuriro nga: ‘Hapo mbi raisa ongaro iṋe indu tji me rorwa okutjita otjiṋa otjivi? Hapo ongaro yandje i raisa kutja mbi ṱakamisa oupanga wandje kuna Jehova?’ Orusuvero rwetu ku Tate wetu womeyuru maru tu hingi kutja tu kare kokure noviṋa Eye mbya tonda.—Eps 97:10.

TARERA OKAVIDIO NGA ṰAKAMISEYE OUPANGA WEṊU KUNA JEHOVA (KOL 3:5), OKUZAMBO ZIRA OMAPURIRO NGA:

• Hapo okunanukirwa i otjiṋa tjomundu warwe maku hee tjike?

• Ongwaye tji tu sokunakaura oukorokope nokurikotamena kovisenginina?

• Omomuano uṋe oruvakiro nokurikotamena kovisenginina mu vi ri oviṋa vimwe?

• Omena ratjike imba mbe nomerizirira motjira tja Jehova tji ve sokuripurira kouhepe wovakwao mbu vakupasana?