Okuhungira tjinene: O munu kutja mo hepa okukahurura oviṋa avihe. Jesus aa ungurisa omapuriro okuvatera ovandu okuripura nokumuna eziriro esemba oveni. (Mat 17:24-27) Omapuriro ye yandja omuinyo komakonḓononeno nu yekuvatera okutjiwa nawa kutja ovikeṋa omuhongwa woye mbi ma zuu nawa na imbi mbye kambura mo. (be-E 253 opar. 3-4) Tji wa pura epuriro, kara nomuretima nu u undje eziriro. Omuhongwa tja yandja eziriro roposyo, moruveze rwokumuraera eziriro esemba, mu vatera okuvaza keziriro esemba mokumupura omapuriro warwe. (be-E 238 opar. 1-2) Hungira momuano wokutja omuhongwa ma yenene okuzuva nawa epu omape.—be 230 opar. 4.

Okutjita kutja ye rire omazeu: Nakaura ongaro yokuserekarera oviṋa avihe mbi mo tjiwa ohunga nepu rorive. (Joh 16:12) Yandja ombango kepu enanḓengu moparagrafa. (be-E 226 opar. 4-5) Okuyandja ondjivisiro aihe ohunga nepu rorive nandarire kutja ondjivisiro yoviṋa oviwa, ku tjita kutja epu enanḓengu tjinene ari ha zuvaka nawa. (be-E 235 opar. 3) Indu epu enanḓengu tji ra zuvaka nawa komuhongwa, okutja kayende komurungu noparagrafa oitjakwao.

Okumana orupa: Ondando yetu mai sokurira okuṱuna komutima womuhongwa nungwari kakumana orupa. (Luk 24:32) Ungurisa omasa wEmbo raMukuru mokuyandja ombango komatjangwa nge ri morupa. (2Kor 10:4; Hebr 4:12; be-E 144 opar. 1-3) Ungurisa ovihorera ovipupu okuzuva. (be-E 245 opar. 2-4) Ripurira kouzeu omuhongwa woye mbwe na wo noviṋa mbye kambura mo nu u kondje okuṱuna ko otja tji mamu hungirire kehongwa. Pura omapuriro tjimuna nga: “Ove u noumune uṋe ohunga noviṋa mbi u rihonga mba?” “Oviṋa mbi mavi tu hongo tjike ohunga na Jehova?” “Ouwa waye mbu u muna mokuṱakamisa omaronga otja ingo?”—be-E 238 opar. 3-5; 259 opar. 1.