OKUHUPA OTJOVAKRISTE
Omiano vyokupwisa omahongero wetu —Mokutunduuza imba mba raisa ombango okuya kozombongarero zombongo
ONGWAYE TJE RI OHEPERO: Ozombongarero zombongo ze tupa oruveze oruwa ‘okuimburira Muhona nokumutanga.’ (Eps 149:1) Pozombongarero nḓa tu hongwa okutjita ombango yaMukuru. (Eps 143:10) Imba mba raisa ombango na imba mbe rihonga Ombeibela potuingi ve hakahana okukurisa oupanga wawo kuna Jehova tji va utu okuyenda kozombongarero zombongo.
OMUANO WOKUTJITA NAO:
-
Yandja okambapira komaṋangero tjimanga tji wa munu oruveze rwokutjita nao. Ko nakuhepa okuundja nga tji wa utu okurihonga Ombeibela ku nomundu amoo mu ṋanga.—Omavan 22:17.
-
Kahurura kutja ovikeṋa mbi ma sokuundjira ko nokutja ovikeṋa ku maku kahungirirwa kombongarero ndji mai yende. Oviṋa mbi mavi kongorere mba mape ya avi ku vatere: okambapira komaṋangero kozombongarero zombongo, okavidio nga PEtuwo rOmerikotameneno pe tjitwa tjike? nehongwa oritja-5 noritja-7 rokambo nga Ombango yaJehova.
-
Yandja ombatero. Omundu ngwa raisa ombango ma hepa otjitoore poo ombatero yokutoorora ozombanda ozosemba nḓu ma sokuzara kombongarero? Haama puna ye pombongarero kutja mu ungurisa pamwe omambo. Mu tjiukisa ku varwe.