OKUHUPA OTJOVAKRISTE
Indu omuatje tja ziri pomuvero
Indu tje ri omuatje ngwa ziri pomuvero, matu sokumuningira kutja matu vanga okuhungira kuna ovanene ve. Okutjita nao ku raisa ondengero kouvara wawo. (Omiano 6:20) Indu omuatje tje tu ningire okuhita mondjuwo, katu sere okuhita. Ovanene ve tji ve heri po, okutja matu sokukotoka oruveze rwarwe tji ve ri po.
Indu omuatje tje ri omunene, ngahino tje nozombura 15-19 nao, ma rire nawa wina tji twa pura kutja ovanene ve ve ri pi. Nu tji ve heri po, matu yenene okumupura kutja ovanene ve mape ya ave mu yandjere okuritoororera omambo. Tjinangara mave mu yandjere, matu yenene okumupa omambo nokumuraera ohunga norungovi rwetu ndwi jw.org.
Tji mo kavarura omuatje rukwao ngwa raisa ombango, mo sokumuraera kutja mo vanga okuhakaena ku novanene ve. Okutjita nao maku ku vatere okuvekahururira ondando yoye nokuveraisira ondjiviro ombwa nonḓakame ndji ri mOmbeibela komaṱunḓu. (Eps 119:86, 138) Tji matu raisa ondengero nokuripurira kovanene vovanatje, maku tjiti kutja ovandu ve yakure ombuze yetu nawa nu mape ya aku tu pe oruveze rwokuzuvarisira eṱunḓu ndo ombuze ombwa.—1Petr 2:12.