Jesus wa yenena okuzuvarisira omukazendu Omusamaria mena rokutja wa uta ehungi kuna ye. Eṱe matu utu vi ehungi ku nomundu ngu tu hi nokutjiwa?

• Rira omupaturuke nu hungira ku novandu mbu ma mu hakaene. Nandarire kutja Jesus wa ri aa urwa, eye wa uta ehungi re mokuningira omeva. Ove wina mape ya o utu nokukorisa nokuhungira ohunga nomuinyo weyuru kutja u ri vi, poo ohunga nokutja ombesi ya toora orure okuvaza, poo ohunga notjiṋa kangamwa atjihe tji tja tjitwa oiri ndjo. Zemburuka kutja, ondando oini oyokuuta ehungi, kunao hungira ohunga notjiṋa ngamwa atjihe opuwo indu tji matji kunu onḓero yomundu okuhungira kuna ove. Nu o yumbu ohama rumwe tje ha kamburire ehungi roye. Rora rukwao nomundu warwe. Ningira Jehova kutja me ku pe ouvanḓe.​—Neh 2:4; Oviung 4:29.

• Kara kovitonge kutja u zuvarisire omundu ngo ombuze ombwa, posi yokutja o parakatere moviṋa. Yandjera kutja ehungi orini ri yende ngo. Tji wa kondjo okuṋiṋikiza omundu, mape ya otjiti kutja i rire ouzeu ku ye okuhungira komurungu. O munu kutja ko ungurire nawa tji wa munu kutja komunine oruveze okuzuvarisa. Tje ri ouzeu kove okuzuvarisa au hi ye rirongera, rora okuuta ehungi au hi nondando yokuzuvarisa. [Nyanda nu mu hungirire kokavidio 1.]

• Ngunda ama mu hungire, mape ya ape kara oruveze ove pu mo yenene okuhungira otjiṋa ohunga nongamburiro yoye, tji matji tjiti kutja omupuratene ma pure omapuriro. Jesus wa ungurisa omambo nga ye tjiti kutja omukazendu ma pure omapuriro. Indu tja uta okuzuvarisa ombuze ombwa ku ye, Jesus aa ziri omapuriro we. [Nyanda nu mu hungirire kokavidio 2, nu okuzambo mu nyande nokuhungirira kokavidio 3.]