Kutja ma taare, omutupuke wovikara u sokurikuturisa orutu aruhe. Momuano otjingewo matu sokukayenda komurungu okukurisa ondjiviro yetu yokuhaṋa pokati kouwa nouvi. (Hebr 5:14) Nandarire kutja i rira oupupu okuhorera ku varwe, eṱe matu sokurihonga okutoora omikambo vyetu oveni. Omena raye? Orondu auhe u nomerizirira komurungu wa Mukuru.—Rom 14:12.

Katu sokumuna kutja matu yenene okutjita ozondando ozombwa mena rokutja twa papitisiwa oure wozombura ozengi. Kutja tu tjite ozondando ozombwa matu sokuṱaṱera ku Jehova, kEmbo re, na kotjira tje.—Jos 1:7, 8; Omiano 3:5, 6; Mat 24:45.

TARERA OKAVIDIO NGA ‘KARA NOMERITJIVIRO OMAWA WOMOMUTIMA’ NU OKUZAMBO U ZIRE OMAPURIRO NGA:

• Omukambo uṋe Emma mbwaa sokutoora?

• Ongwaye tji tu hasere okuyandja oumune wetu moviṋa mbi notjiṋa nomeritjiviro womomutima womundu warwe?

• Oumune uṋe ouwa ovakupasane mbu va haṋasana kuna Emma?

• Emma ondjiviro ndje mu vatera wa isa pi?