Mu Novemba, matu tjiti ozongondjero zokuzuvarisa ombuze ombwa yokutja ouye oupe u ri popezu. (Eps 37:10, 11; Omavan 21:3-5) Ṱuna oviṋa mehupo roye kokutja u kare norupa okuura momazuvarisiro wapeke nga. Indu tji wa tjiti omaningiriro wokukarera otjomukandjira omuvatere oure womueze umwe, mo yenene okutoorora kutja mo ungura ozoiri 30 poo 50.

Rirongerisa okuhaṋasana omatjangwa ohunga nouye oupe kovandu ovengi, otja pu mo yenene. Etjangwa ndi mo toorora mari sokunana ombango yovandu ovengi momaturiro weṋu. Indu omundu tja raisa onḓero otjikando otjitenga, mu pa okambo kOruhungu No. 2 2021. Okuzambo yaruka tjimanga komundu ngwa raisa onḓero ngo, nu u ute okurihonga Ombeibela kuna ye mokuungurisa okambo nga Yorokera ehupo nga aruhe!, okuhaṋasana ‘ombuze ombwa yohange’ ku novandu otjiṋa otjiwa tjinene!—Jes 52:7.

NYANDA EIMBURIRO NDI THE NEW WORLD TO COME, NU OKUZAMBO U ZIRE OMAPURIRO NGA:

• Okanatje okakazona make ripurire koruyaveze ruṋe oruwa?

• Ovikeṋa oviwa mbi mo vanga okukamuna mouye oupe?

• Okuripurira komaundjiro woye maku ku vatere vi okukara norupa okuura momazuvarisiro wapeke wa Novemba?—Luk 6:45