Eṱe tjiri matu tjaterwa okumuna embo nokambrosjure mbi matu ungurisa okuhonga ovandu Ombeibela! Matu kumbu ku Jehova kutja ma sere ozongondjero zetu ondaya. kokutja tu yenene okuvatera ovandu ovengi okuya kouatjiri. (Mat 28:18-20; 1Kor 3:6-9) Omomuano uṋe mu matu yenene okuungurisa oviungurisiwa ovipe mbi?

Omahongero wOmbeibela ngu maye ungurisa embo nokambrosjure nga Yorokera ehupo nga aruhe!, maye raisa omiano omipe mu matu utu okuhonga Ombeibela, kongorera omirari mbi indu tji mo rirongerisa okukahonga omundu Ombeibela. *

• Lesa ozoparagrafa okuzambo u pure omapuriro

• Lesa omatjangwa ngu wa raerwa kutja “lesa,” nu u vatere omuhongwa woye kutja me ye ṱakamisa vi

• Nyanda ozovidio nu u hungirire komapuriro nga yandjwa mbo

• Otjikando atjihe tji we kerihonga ku nomuhongwa woye, kondja okumana ehongwa rimwe

Motjiungura tjokuzuvarisa rutenga yandja okambrosjure okutara kutja omundu u nonḓero poo indee. (Lesa okaongo nga “ Omuano mu mo yenene okuyandja okambrosjure nga Yorokera ehupo nga aruhe! otjikando otjitenga.”) Indu tji mwa mana okurihonga mokambrosjure nu omuhongwa ma vanga okukayenda komurungu, mu pa embo nu mu ute okurihonga mehongwa oritjaine. Indu tji u rihonga ku nomundu membo ndi Ombeibela mbi i tu honga na indi Orusuvero rwa Mukuru, utee okurihonga embo ndi Yorokera ehupo nga aruhe!, nu mo yenene okutara kutja mamu utu okurihonga mehongwa riṋe.

TARERA OKAVIDIO NGA MOYAKURWA KOMERIHONGERO WOYE WOMBEIBELA, NU OKUZAMBO U ZIRE OMAPURIRO NGA:

• Ovikwaye ovahongwa mbi mave yenene okurihonga membo epe ndi?

• Ongwaye tji mo sokuraisa okavidio nga kovahongwa ovape?

• Ozondando zeṋe nḓu mo yenene okuvatera omuhongwa woye kutja me ritoororere nokukondja okuzeyenenisa?—Lesa okaonga nga “ Oviṋa mbi matu kerihonga nozondando zorupa aruhe”