Momayuva omasenina nga ehupo ezeu tjinene. Nu wina omauzeu maye kayenda komurungu okuririra ko omengi, otja tji matu ya komaandero wouye mbwi. Povikando tjiva eṱe mape ya atu kara nouhepe woviṋa kaaṋi. (Hab 3:16-18) Otjikwaye tji matji tu vatere okutjinda ouzeu wotjimariva? Eṱe aruhe matu sokukara nongamburiro mu Jehova Mukuru. Eye wa kwizika kutja ma ṱakamisa ovakarere ve, nu ma yenene okutupa avihe mbi matu hepa.—Eps 37:18, 19; Hebr 13:5, 6.

Oviṋa mbi mo yenene okutjita:

• Riyarikaṋa ku Jehova kutja me ku pe omuhunga, ounongo nu me ku vatere.—Eps 62:8

• Kara noupaturuke wokuungura otjiungura tji u hi na wa ungurire rukuru.—g-E 1/10 8-9, ouwongo

• Tjita oviṋa mbi mavi kurisa oupanga woye ku na Jehova, tjimuna okulesa Ombeibela aruhe, okuyenda kozombongarero zombongo, nokupita motjiungura tjokuzuvarisa

TARERA OKAVIDIO NGA, TUNGA ONDJUWO YONḒARO ORURE—“KAREYE NOHANGE NA IMBI MBI MU NA VYO.” OKUZAMBO ZIRA OMAPURIRO NGA:

• Omaṱunḓu tjiva ye muna omauzeu yeṋe?

• Otjikeṋa tji tji ri otjiṋa otjinanḓengu tjinene mehupo?

• Omomuano uṋe mu matu yenene okuvatera imba mbe nouzeu wotjimariva?