Hapo u tjaterwa okuungurisa ozovidio nomapuriro mbi ri membo ndi Yorokera ehupo nga aruhe? Hapo wina u tjaterwa okuungurisa otupa twi “Ovandu tjiva ve tja,” “Ondando” na indwi “Rihonga ovingi”? Ovikeṋa vyarwe mbi mavi ku vatere tji mo konḓonona Ombeibela ku nomundu?—Mat 28:19, 20.

Ondjivisiro: Indu tji mo ungurisa Embo ndi Yorokera ehupo nga aruhe nda pirindwa, okuhonga omundu Ombeibela. Mo yenene vi okumuna ozovidio noviṋa vyarwe ovingi poruveze rumwe? Membo ndi ri mokayendjezewa, toorora orupa rumwe okuza kotupa tune tu tu ri kombanda. Kehi yomahongwa ayehe nge ri morupa ndwo, mo yenene okutoorora ondjivisiro yorupa mu u ri, kutja u yenene okumuna ozovidio novingi vyarwe vyorupa kaaṋi ndwo. (Tara kotjiperendero 1.)

“Printed Edition”: Tji mo ungurisa embo ndi mokayendjezewa okurihonga ku nomundu, mo yenene okumuna ouwa mokunḓereka embo ndi “Printed Edition” povikando tjiva ngunda amamu rihongo, kutja embo ri munike tjimuna nda pirindwa. Okutjita nao, ngunda au ri mehongwa nḓereka ounḓe utatu mbu ri kombanda yomukuma, nu okuzambo u toorore embo ndi “Printed Edition.” Tji wa tjiti nao, mo yenene okumuna kutja oviṋa mbi mamu hungirire ko mavi hitasana vi nepu rehongwa. Tji mo vanga kutja embo ndi ri munike tjimuna tji ra ri rukuru, nḓereka ounḓe utatu nu u toorore embo ndi “Digital Edition.”

“Hapo ove we rirongera?”: Ouwongo mbu ri kuṱa komaandero wembo, mau hungire ohunga noviṋa omundu mbi ma sokutjita kokutja ma yenene okuzuvarisa pu nombongo nokupapitisiwa. (Tara kotjiperendero 2.)

Omakahururiro: Orupa ndwi ru yandja ondjivisiro ohunga nomapu omananḓengu. Mokambo ku ke ri mokayendjezewa komaandero womakahururiro ayehe pe nolinka ndji mai ku yarura poṋa pu wa ri mehongwa. (Tara kotjiperendero 2.)