Povikando tjiva omundu auhe u fula navi. Okufula navi kaku hee kutja katu nongamburiro mu Jehova. Nandarire Jehova povikando tjiva aa fula navi. (Gen 6:​5, 6) Posi ya, indu tji tu fula navi oruveze aruhe matu sokutjita vi?

Ningira ombatero ku Jehova. Jehova u vanga okutjiwa omuano mu tu fula. Eye u muna indu tji matu fula nawa poo navi. Eye wina u tjiwa kutja otjikeṋa tji matji tu fulisa navi poo nawa. (Eps 7:9b) Otjiṋa otjinanḓengu, Jehova u nakonatja na eṱe, nu ma yenene okutuvatera indu tji twa u momuinyo poo nandarire tji tu nozombameno.—Eps 34:18.

Tjevera omeripura woye. Okuwa momuinyo ku tjita kutja atu ha kara nondjoroka, nu wina ku ṱuna koupanga wetu na Jehova. Ku nao matu sokutjevera omutima wetu, mbu u ri omeripura wetu omakoto, oumune, nozonḓero zetu.—Omiano 4:23.

TARERA OKAVIDIO NGA OMUANO OVAKAMBURE OVAKWETU MU VE YOROKERA OHANGE NANDARIRE KEHI YOZOMBAMENO. OKUZAMBO ZIRA OMAPURIRO NGA:

• Ovikwaye Nikki mbya tjita kutja ma yenene okutjinda ombameno?

  Eziriro roye

• Ongwaye Nikki tja muna kutja ohepero ku ye okupaha ombatero yozonganga?—Mat 9:12

  Eziriro roye

• Omomuano uṋe Nikki ma ṱaṱera kombatero ya Jehova?

  Eziriro roye