Omuano umwe omusemba ovanene mu mave yenene okuvatera ovanatje wawo okumuna ounongo wa Mukuru, omokuvevatera kutja ve mune ouwa pozombongarero zombongo. Oviṋa ovanatje mbi mave zuu nokumuna pozombongarero zombongo, mavi yenene okuvevatera kokutja ve rihonge ohunga na Jehova, nokukara noupanga wopopezu ku na ye. (Deut 31:​12, 13) Tji u ri omunene, ovikeṋa mbi u tjita okuvatera ovanatje voye okumuna ouwa pozombongarero zombongo?

• Tjita ozongondjero kutja u kare pozombongarero zombongo pEtuwo rOmerikotameneno.—Eps 22:22

• Kara noruveze rwokuhungira ku novakambure ovakweṋu komurungu poo kombunda yombongarero yombongo.—Hebr 10:25

• Tara kutja okaṋepo akehe meṱunḓu, ke nomambo ngu maye kakonḓononwa pozombongarero zombongo, kutja omokayandjezewa poo otjiherengururwa tji tja pirindwa

• Vatera omuatje woye okurirongerisa eziriro momambo we omuini.—Mat 21:​15, 16

• Hungira oviṋa oviwa ohunga nozombongarero zombongo, nomahongero omawa ngu u muna mbo

• Vatera ovanatje voye okukara norupa moviṋa tjimuna, okukohorora Etuwo rOmerikotameneno, nokuhungira ku novakambure ovakwetu ovanene motjiwondo pozombongarero zombongo

• Ovanene ve hepa okuungura oukukutu okuvatera ovanatje vawo okutumbuka popezu na Jehova, nu povikando tjiva mape ya a rire ouzeu okutjita nao. Posi ya tjiwa kutja Jehova me ku vatere.—Jes 40:29.

TARERA OKAVIDIO NGA VANENE, RIYAMEKEYE KOMASA WA JEHOVA. OKUZAMBO ZIRA OMAPURIRO NGA:

• Okuurwa kwa ṱuna vi ku Zakii na Lea?

  Eziriro roye

• Ongwaye ovanene tji mave sokuningira omasa ku Jehova?

  Eziriro roye

• Omomuano uṋe Zakii na Lea mu ve riyameka ku Jehova kutja e ve vatere?

  Eziriro roye