MUKURU OMUNAMASAAEHE onguri Omuhona wevaverwa. Omiinyo vyetu nambano namoruyaveze vya rekareka kuye. Eye u na omasa wokuyandja ondjambi nomasa wokuvera. Eye u na omasa wokuyandja omuinyo nomasa wokuisa po. Indu Eye tji me tuyakura, eṱe matu kara nawa, nungwari indu tji tu hi na omayakuriro okuza kuye, katu na ku kara nawa. Ihi matji raisa ounanḓengu womerikotameno wetu okurira oma yakurua kuye!

Ovandu ve rikotamena momiano omingi. Ongamburiro tji i ri otja ondjira, mo yenene okupura kutja ozondjira azehe zozongamburiro ze yakurua i Mukuru? Kako, katjiperi. ­Jesus omuprofete waMukuru wa raisa kutja kuna ozondjira mbari porwe. Eye wa tjere: “Omuvero mbwi mbu twara kombandjarero tjinga au ri omuparanga, nondjira ndji ­yenda ngo ai ri ombupu, nu imba mbe ryangera mu yo ava takavara. Nungwari omuvero mbwi mbu twara komuinyo owo omumango, nondjira ndji yenda ngo i neputi, ­novehinanḓengu imba mbe i muna.”​—⁠Mateus 7:​13, 14.

Oko kuna ozongamburiro mbari porwe: imwe ndji twara komuinyo na imwe ndji twara kombandjarero. Ondando yokambo nga okukuvatera okumuna ondjira ndji twara komuinyo waaruhe.