Indu omundu tje tu hihamisa oupupu okupindika, posi ya Mukuru ka vanga kutja tu kare nongore. Nungwari, eye u vanga kutja tu kare nomuretima mena rokutja wa kwizika kutja me kaisa po omauhasemba ayehe.—Epsalme 37:7, 10.

Indu ovandu mbe he ri ohomonena tji mave yarura mo ongore, i tjita kutja ku kare nomatondero omengi. Ku nao, o yarura ouvi mouvi indu omundu tje ku pindikisa poo okukuhihamisa. Kondja okukara nomeritjaerero, nu u zire momuano omuwa wohange. Povikando tjiva onawa okuhinokuripurira ko, poo okuzemba oviṋa mbya tjitwa. (Omiano 19:11) Posi ya povikando tjiva, mai rire nawa okurapota ouzeu mbwi. Otjotjihorera, indu tje ri ove ngwa tjitwa ouvi, mo yenene okukarapota ouvi mbwi kopolise poo kouhonapare warwe.

Hapo tjike indu tji mape munika aayo kape nomuano wokuzengurura ouzeu nokuhinohange? Poo tjike indu tji wa kondja okuzengurura omauzeu momuano wohange? O yarura mo ouvi mouvi. Tji wa tjiti nao, mape ya atji tjiti kutja ongaro i rire onḓeu. Posi ya indu tji wa panḓa okuyarura mo ouvi mouvi, mo vatere okuisa po omatondero. Ove mo rihongo okukara nongamburiro momuano Mukuru me zengurura ouzeu. “Riyameka ku Ye, nu Eye me ku vatere.”—Epsalme 37:3-5.