Mukuru u rikendera kove
MOMBEIBELA mu noviṋa mbi mavi yenene okutuvatera mena rokutja oro embo nda za ku Mukuru. Kambo romapangero, nungwari oro mari yenene okutuvatera momiano omingi kutja tu yenene okutjinda ozongaro pekepeke, tjimuna omeripura omavi, omuhihamwatima, nouzeu wouveruke mouripura na morutu.
Otjiṋa otjinanḓengu, Ombeibela i tu raera kutja Omuute wetu Jehova Mukuru, a u tjiwa omeripura wetu nomuano mbu matu fula okukapita omundu warwe. Eye u vanga okutuvatera kutja tu tuurunge ongaro ngamwa ndji tu ri mo. Otjotjihorera, tara komazeva yevari omahuhumiṋe:
“Muhona u ri popezu na imba mbe noruhoze, nu u yama imba mbe rihahiza.”—EPSALME 34:18.
“OwAmi Muhona, Ndjambi woye; me ku zeuparisa ne tja: ‘O tira, Ami me ku vatere.’”—JESAJA 41:13.
Omomuano uṋe Jehova me tu vatera okutuurunga ouzeu wouveruke mouripura? Otja tji matu katara motupa tu matu kongorere ko, mo kamuna omuano Jehova me rikendera kweṱe momiano omingi pekepeke.
a Jehova ena ra Mukuru.—Epsalme 83:18, EEP
