Mo yenene okuyorokera ozondaya okuza ku Mukuru nga aruhe
Hapo u zera okukara mouye wohange mu mu hi novita, outwe nozombata?
Hapo u zera kutja a ku hakara omitjise, omauzeu nonḓiro?
Hapo u zera okuhinokukara nongendo poo ombameno?
Hapo u zera okukara poruveze mu mu hi nomaumba tjimuna omipupo, omanyinganyingiro wehi na vyarwe?
Mukuru wetu worusuvero ngu ri Omuute woviṋa avihe oviwa, wa kwizikira ovandu okuhupa mohange nondjoroka nga aruhe. Nu indwi karuroto uriri.
Motupa tu matu kongorere ko matu katara komapuriro nga:
Omomuano uṋe Omuute wetu me rikendera kweṱe?
Hapo Mukuru u nombuze iṋe kweṱe?
Ovikeṋa ovaprofete va Mukuru mbi va hungira ohunga noviṋa oviwa Mukuru mbye tjita na mbi ma katjita?
Omomuano uṋe Mukuru mu ma yenene okutuvatera okukara nondjoroka nai na moruyaveze?
Rutenga ngatu konḓonone oviṋa avihe Mukuru mbye tupa mbi raisa kutja we tu suvera nu u rikendera eṱe.
