Ovanene ve nomerizirira omanene wokuhonga ovanatje vawo ohunga na Jehova. (Ef. 6:4) Mokuvatera ovanene, otjira tja Jehova tja pitisa oviungurisiwa pekepeke. Mo yenene vi okuviungurisa mokuhonga ovanatje voye?

• Twende korungovi ndwi jw.org. Mu rwo mo vaza mo oviṋa avihe mbi mavi vatere ovanatje voye, tjimuna ouvidio noviṋa mbi mave yenene okutjangera ko. a Kokutja u mune ondjivisiro ndji, tjanga “Ovanatje” poo “Omitanda” pombandi yokupaha.

• Toorora imbi mbya pwire okuhonga omuatje woye. Kehi yorupa ndwi “Ovanatje” mo yenene okutoorora ouvidio, omaimburiro noviṋa okutjangera ko mbi mo munu kutja mavi yenene okuvatera omuatje woye. Okumuna oviṋa mbi, paha “Family Worship Projects” morungovi rwOtjiingirisa.

• Kara noruveze okuhungira ohunga noviṋa mbi ku novanatje voye. O ungurisa ouvidio wetu poo oviungurisiwa vyarwe mbyo otjomuano wokuṱizira omuatje woye kokure na ove. Nungwari, hungira oviṋa mbi ku nomuatje woye nu u mu vatere okukurisa oupanga we ku na Jehova.