Hapo ove mo yenene okuzira omapuriro nga okuza kokambo kOruhungu 2019?

Omakwizikiro wa Mukuru nga: ‘Kape notjirwise tji matji yenene okutuhihamisa,’ maye hee tjike? (Jes. 54:17)

Eṱe matu yenene okukara nongamburiro kutja Mukuru me tu tjevere ‘kovandu ovindandi.’ (Jes. 25:4, 5) Ovanavita na eṱe kamaave tu etere omihihamo omikarerere.​—w19.01, omuk. 6-7.

Mukuru wa raisa vi ousemba momuano mbwaa tjindi Ovakanaan nOvaisrael mbe ha ri nonḓuviro?

Mukuru wa eta ombanguriro ku imba mbaave tjiti oviṋa oviyaukise vyotukatuko poo mbaave tjindi ovakazendu novanatje navi. Nu eye aa sere ovakarere ve ondaya mbaave raisa ouṱakame ku ye nokutjinda varwe nousemba.​—w19.02, omuk. 22-23.

Hapo omundu ngu he ri Omuhongonone wa Jehova tji ma kumbu ngunda tu ri po, matu sokutjita vi?

Eṱe matu yenene okuraisa ondengero mokuhina okuhungira otjiṋa oparukaze nu katu sokutja “amen” poo okuhandasana omake kuna imba mbe ri mbo. Matu yenene okukumba momutima kweṱe oveni.​—w19.03, omuk. 31.

Hapo omatjerero wovanatje omanaumba pu pe ṱeki pi?

Omatjerero ondjito ombi ndji tjitwa komuhinandjo, kombongo, kouhonapare, na ku Mukuru. Ovanene vombongo ve kongorera ozoveta zehi zokurapota omatjerero wovanatje kouhonapare.​—w19.05, omuk. 9-10.

Ove mo yenene vi okuṱuna poo okurundurura omeripura wo ye?

Oviṋa mbi mo yenene okutjita: Hungira kuna Jehova mongumbiro. Rikonḓonona omuini nawa. Toorora omapanga wo ye nawa.​—w19.06, omuk. 11.

Ovikwaye mbi matu yenene okutjita nai okurongera kondatumisire?

Eṱe matu sokupamisa oupanga wetu kuna Jehova. Nokukara nongamburiro kutja we tu suvera nu kemee twesa ko. Okulesa Ombeibela yetu eyuva arihe, nokukumba aruhe. Kara nongamburiro kutja ozondaya zOuhona wa Mukuru maze yenenisiwa. Tjiwa omatjangwa nge ku tjatera motjiuru nomaimburiro nge yandja ohiviro ku Jehova.​—w19.07, omuk. 2-4.

Ovikwaye mbi matu yenene okutjita kutja ovazamumwe vetu ve yamwe?

Ounanḓengu kweṱe okukondja okuvezuva nawa, okuraisa otjihorera otjiwa, nokukara nomuretima nounongo.​—w19.08, omuk. 15-17.

Tu muna vi omasa omape, otja Jesus pa kwizika mu Mateus 11:28?

Tu novatarere ovasemba, omapanga omawa, noviungura ovisemba.​—w19.09, omuk. 23.

Omomuano uṋe Mukuru me tupa ombango nomasorero okuyenenisa ondyero ye? (Fil. 2:13)

Otja tji matu lese Embo ra Mukuru nokuripurira ko oukoto, eye ma yenene okutupa omasa, nokutupa ombango okuyenenisa ondyero ye. Ombepo ye ondjapuke i tu vatera.​—w19.10, omuk. 21.

Omikambo viṋe mbi matu yenene okutoora ngunda atu hiya tjita ondando?

Mo yenene okutjita omikambo vitano mbi: Konḓonona nawa. Ningira ounongo mongumbiro. Konḓonona nawa ondando ndji mo tjitire otjiṋa. Kara nomuhunga. Kara noumune ouwa.​—w19.11, omuk. 27-29.

Satan tja raera Eva kutja kamaa ṱu, hapo aa hee kutja omundu kombunda yonḓiro u kayenda komurungu okuhupa?

Kako ka tjiperi. Satan kena pa raera Eva kutja tja ri kotjihape Mukuru tje ve tjaera okurya omuinyo we mau kayenda komurungu okuhupa. Ozongamburiro azehe zoposyo za isapewa momupupo wa Noa. Omahongero wokutja omuinyo u kayenda komurungu okuhupa kombunda yonḓiro, mape ya ya uta komurungu wa indu Mukuru tja pambaukisa omaraka wovandu mbaave tungu otjiretundu tja Babel.​—w19.12, omuk. 15.