Hapo wa lesa nawa oumbo wOruhungu mbwa pitisiwa ombura ndji? Ngatu tare kutja mo yenene okuzira omapuriro ngu maye kongorere mba:

Okuyarurwa koupe “mourekoto womitima vyeṋu” ku kamburira mo ye? (Rom. 12:2)

Oko ku kamburira mo ovingi pendje nokuungura oviungura oviwa mehupo roye. Okwo maku kamburire mo okukonḓonona ourekoto womitima vyetu nokutjita omarundurukiro kutja tu kongorere omirari vya Mukuru mehupo retu.—w23.01, pomuk. 8-9.

Omomuano uṋe mu matu yenene okuraisa oumune ouwa indu tji matu zuu ovitjitwa mouye?

Tu kara nonḓero okumuna omuano oviṋa mouye mu mavi yenenisiwa otja komaprofetero wOmbeibela. Onawa okuzikamisira omahungi wetu kondjivisiro ndji pitisiwa i yotjira tja Jehova pendje nokuhaka otjiṋa tji mape ya atji eta ohaṋi. (1 Kor. 1:10)—w23.02, pomuk. 16.

Omomuano uṋe ombapitisimo ya Jesus mu ya panguka ku indji yovemukongorere?

Eye kaa hepa okuriyandja omuini ku Jehova tjimuna eṱe, mena rokutja wa kwatwa motjiwaṋa tja Mukuru. Jesus wa ri ohomonena nu kaari nouvi. Eye kaa hepa okuritanaura komauvi.—w23.03, pomuk. 5.

Omomuano uṋe mu matu yenene okuvatera varwe okuzira pozombongarero zombongo?

Matu yenene okuyandja omaziriro omasupi, kutja tu yandjere varwe okukara norupa. Eṱe wina matu yenene okukondja kutja atu ha yandja omapu omengi. Tji twa tjiti nao mape kara omapu omengi ku varwe okuzirira ko.—w23.04, pomuk. 23.

“Ondjira yOuyapuke” ndji ri mu Jesaja 35:8 i heya tjike?

Ondjira yOuyapuke rutenga aai sasaneke ondjira Ovajuda ndji va toora okuza koBabilon okuyenda kehi rawo. Hapo nai i kuramena po ye moruveze rwetu? Ozombura ozengi komurungu wombura ndji 1919, pa ungurwa oviungura mbi mavi kamburire mo omatorokero nomapirindiro wOzombeibela na vyarwe ovingi. Ovakarere va Mukuru ve kayenda “mOndjira yOuyapuke” ndji twara komerikotameneno watjiri ngu maye tjiti kutja tu kamune ozondaya kehi yOuhona wa Mukuru.—w23.05, pomuk. 15-19.

Omiano ekondwa 9 ri yandja ounongo uṋe ohunga nomasasanekero wovakazendu vevari?

Omiano ri hungira ohunga ‘nomukazendu eyova,’ omaṋangero we nge twara ‘kotjovakoke.’ Nu ‘ounongo’ u sasanekwa ku nomukazendu warwe, ngu nomaṋangero nge twara komuinyo na ‘kondjira yozondunge.’ (Omiano. 9:​1, 6, 13, 18)—w23.06, pomuk. 22-24.

Mukuru wa raisa vi omerisusuparisiro noupore momuano ma tjinda Lot?

Jehova wa rakiza Lot okupita mu Sodom nokutaurira kozondundu. Indu Lot tje riheka kutja ma taurire koSoar, Mukuru we mu yandjera okutjita nao.—w23.07, pomuk. 21.

Omukazendu ngwa kupwa ma yenene okutjita vi indu omurumendu we tje tarera oviperendero vyakamuzu?

Omukazendu ma sokuzemburuka kutja ka sokuripa ondjo. Eye ma sokuyandja ombango koupanga we ku na Mukuru nokuripurira ko oukoto komahungi wOmbeibela ohunga novakazendu mba munine omauzeu nu mba muna omahuhumiṋino okuza ku ye. Eye ma yenene okuvatera omurumendu we okuyepa ozongaro ozonaumba nḓo.—w23.08, pomuk. 14-17.

Indu ongamburiro yetu tji mai rorwa, ounongo mau tu vatere vi kutja tu rire ovapore poo ozongozu?

Eṱe matu yenene okuvara epuriro poo omatokero ngo otjomuano wokutjiwa imbi omundu warwe mbye ripura poo mbye vara otjovisemba. Iho tji tjita kutja tu zire momuano omupore.—w23.09, pomuk. 17.

Otjikeṋa tji matu yenene okurihongera ku Maria ohunga nokupewa omasa i varwe?

Maria wa pewa omasa okuza ku varwe indu tja tjiwa kutja eye ma rire ina ya Messias. Gabriel na Elisabet va yanḓiparisa Maria nOmatjangwa. Eṱe wina matu yenene okuyanḓiparisiwa i yovakambure ovakwetu.—w23.10, pomuk. 15.

Omomuano uṋe Jehova mu ma yenene okuzira ozongumbiro zetu?

Eye wa kwizika okupuratena kozongumbiro zetu nokutara kutja imbi mbi matu ningire mavi hitasana nondando ye. (Jer.29:12) Eye mape ya a ziri ozongumbiro nḓa sana momiano pekepeke, posi yokutja eye aruhe me tu vatere.—w23.11, pomuk. 21-22.

Ovaroma 5:2 ra tamuna embo ndi “omaundjiro,” nu hapo ongwaye ezeva 4 tji ra kahungirira kembo ndi rukwao?

Omundu tja zuu ombuze ombwa, mape ya a kara nomaundjiro wokukayorokera ehupo moparadisa kombanda yehi. Posi yokutja, otja tji ma munu omauzeu nokuyetuurunga nokumuna ombatero ya Mukuru, omaundjiro we opu ye kurira ko nu opu ye zikama.—w23.12, pomuk. 12-13