Lesa Ovapangure 11:​30-40 ku tja u rihongere kehungi ra Jefta nomuatje we omukazona ohunga nokuyenenisa omakwizikiro.

Konḓonona epu ku maku hungirirwa. Ovaisrael ovaṱakame va ri noumune uṋe ohunga nomakwizikiro ngu va tjita ku Jehova? (Num. 30:2) Omomuano uṋe Jefta nomuatje we omukazona mu va raisa kutja va ri nongamburiro mu Jehova?—Ovapang. 11:​9-11, 19-24, 36.

Konḓonona oukoto. Ovikwaye Jefta mbya kwizikira Jehova, nu omambo we aaye hee tjike? (w16.04-E 7 opar. 12) Jefta nomuatje we omukazona aave sokutjita tjike kutja ve yenenise omakwizikiro we? (w16.04-E 7-8 opar. 14-16) Ovakarere va Jehova ve tjita omakwizikiro yeṋe omananḓengu moruveze rwetu?—w17.04-E 5-8 opar. 10-19.

Matu rihongo tjike? Ripura omuini kutja:

• ‘Ovikwaye mbi mavi ndji vatere kutja mbi yenenise omakwizikiro wandje wokukarera Jehova nga aruhe?’ (w20.03 13 opar. 20)

• ‘Ovikwaye mbi me yenene okutjita kutja mbi karere Jehova okuura?’

• ‘Ovikwaye mbi mavi ndji vatere kutja mbi yenenise omakwizikiro ngu mba tjita komundu ngu twa kupasana?’ (Mat. 19:​5, 6; Ef. 5:​28-33)