Lesa Jeremia 38:​1-13 okutara kutja otjihorera tjomuprofete Jeremia nomukarere ohongora wondjuwo youhona Ebedmelek matji ku hongo ye ohunga nokurira ombanḓe.

Konḓonona epu ku maku hungirirwa. Omomuano uṋe Jeremia ma raisa ouvanḓe indu tjaa tjivisa ombuze ya Jehova? (Jer. 27:​12-14; 28:​15-17; 37:​6-10) Ovandu va tjita vi indu tji va zuva imbi Jeremia mbye ve raera?—Jer. 37:​15, 16.

Konḓonona oukoto. Ovandu aave vanga kutja Jeremia ma tjite vi? (jr-E 26-27 opar. 20-22) Tara kutja omatuwo womehi poo ozondjombo aaze ungurisiwa ku ye, nu aaze munika vi moruveze rwOmbeibela. (it-1-E 471) Hapo mo munu kutja Jeremia wa ri mongaro iṋe indu tjaa ṱomwine mondjombo yomunoko? Hapo mape ya Ebedmelek aa tira ye?—w12-E 5/1 31 opar. 2-3.

Matu rihongo tjike? Ripura omuini kutja:

• ‘Ehungi ndi mari ndji hongo tjike ohunga nomuano Jehova me tjevera ovakarere ve ovaṱakame?’ (Eps. 97:10; Jer. 39:​15-18)

• ‘Omozongaro zeṋe mu me hepa okuraisa ouvanḓe?’

• ‘Ovikwaye mbi mavi ndji vatere kutja mbi kare nouvanḓe wokutjita imbi mbi ri ovisemba indu tji me ṋiṋikiziwa?’(w11-E 3/1 30) a