Kaaruhe tji i rira oupupu okuzemburuka imbi mbi twe rihongo. Posi ya oupupu okuzemburuka oviṋa ovingi Jesus mbye tu honga, mena rokutja eye potuingi aa ungurisa ovisasanekero. Ovisasanekero Jesus mbyaa ungurisa vi tjita kutja tu yenene okukara notjiperendero mouripura wetu, nu iho tji tu vatera okuzemburuka oviṋa mbyaa hongo. Momuano tjingewo, ove mo yenene okuzemburuka nawa oviṋa mbi we rihongo indu tji mo kondjo okukara notjiperendero mouripura woye ohunga noviṋa mbi wa konḓonona. Omomuano uṋe mu mo yenene okutjita nao? Omokuperenda otja tji mo rihongo.

Ovandu mbe perenda indu tji mave rihongo otjiṋa otjipe, owo potuingi ve zemburuka nawa oviṋa mbi ve rihongo. Okuperenda ku ve vatera okuzuva nawa omambo nomapu omananḓengu. Owo kave hepa okuperenda oviperendero oviwa ovimanise. Okuperenda tjinene ku vatera imba ovanene motjiwondo okuzemburuka oviṋa mbi mave rihongo.

Otjikando tjarwe tji mo tjiti omakonḓononeno woye omuini, ove mo yenene okuperenda oviṋa mbi mo rihongo. Ove mape ya o temwa i yoviṋa mbi mo yenene okuzemburuka.