Ii, ndovazu oukahu kutja ovandu mba va rara pamwe nokuhinomapu omasemba, okomiti ombangure yovanene vombongo mai zikwa okukonḓonona kutja pe norukatuko ndwa kaendisiwa poo indee.—1 Kor. 6:18.

Orutu rOvanene vombongo tji rwa zu nokuzuva otjiṋa hi, otji mave utu okuripura nawa kutja okomiti ombangure mai hepa okuzikamisiwa poo indee. Otjotjihorera, owo mave tara koviṋa tjimuna mbi: Hapo ovandu mba va ri nondando yokukupasana? Owo va rakiziwa rukuru ohunga nomwano mbu ve nyanda orusuvero rwa wo? Otjikwaye tji tja tjiti kutja ve kakare pamwe ouṱuku mbo? Owo va ri nondando yokukahakaenena mbo rukuru? Va ri noruveze okuyepa otjiṋa ho, poo ka pa ri omuano warwe, ngahino rumwe pe keya ouzeu wa tjimanga mbwa ka tjita kutja ovandu vevari mba ve kare pamwe ouṱuku mbo? (Omuzuv. 9:11) Va ri ava rara kombete imwe poo indee? Tjinga ongaro aihe a mai haṋika ko ngwao, pe noviṋa vyarwe ovanene vombongo ku mave tara wina.

Oviṋa avihe tji vya zu nokuzikamisiwa ongahukiro, nambano matji sewa kovanene vombongo okutara kutja mape heperwa okomiti ombangure okuzikamisiwa poo indee.