Hapo ove mozemburuka omapu tjiva ku twa hungirira motupa twOruhungu tu twa kapita? Tara kutja mo yenene okuzira omapuriro nga:

Ovikwaye vine mbi mavi tu vatere okurira ovaimbure ovawa?

Okukurama osemba nokuhandera embo retu kombanda. Suvana nawa. Paturura otjinyo nomuriu woye nawa nu u imbure neraka romasa.—w17.11, omuk. 5.

Otjikwaye otjiwa ohunga novihuro vyomaundiro nozondjira za vyo moIsreal otjikuru?

Pa ri novihuro hamboumwe vyomaundiro mehi ndo, nozondjira nḓa ṱunwa nawa. Okutja omundu aa yenene okumuna otjihuro tji tjiri popezu na ye tjimanga nu oupupu.—w17.11, omuk. 14.

Ongwaye otjisuta tjonguturiro tji tjiri otjiyandjewa otjinanḓengu tjinene okuza ku Mukuru?

Otjo tji yenenisa ozonḓero zetu zokuhupa nga aruhe nu tji tu kutura kouvi nonḓiro. Mena rorusuvero kozondekurona za Adam, Mukuru wa yandja Jesus okutuṱira ngunda atu ri ovarunde.—wp17.6, omuk. 6-7.

Epsalme 118:22 ra hunganeka vi ombendukiro ya Jesus?

Jesus ka yakurirwe otja Messias nu wa zepewa. Kokutja eye ma rire “ewe enanḓengu pu aehe,” ma sokupendurwa movakoke.—w17.12, omuk. 9-10.

Hapo omuhoko Messias maa sokukwatwa, aau ṱunu ku imba mbe nousemba wouveri uriri?

Povikando omuhoko Jesus ma za aa u pitire moviveri, posi yokutja kaaruhe. David kaa ri otjiveri tja Isai; posi yokutja, Messias wa kwatwa momuhoko wa David.—w17.12, omuk. 14-15.

Omirari viṋe vyomapangero mbi ri mOmbeibela?

Kehi yomatwako, imba mba ri nomitjise tjiva aa ve ṱizirwa kokure novandu. Ovandu aave sokurikoha tji va zu nokuṱuna korurova. Omatwako aaye rakiza ovandu okusira ombonḓi yawo tji va i mokuti. Omasukarekero aaye tjitwa meyuva oritjahambondatu kombunda yongwatero, ombinḓu pu mai yenene okukanda oupupu nu hakahana nawa.—wp18.1, omuk. 7.

Ongwaye Ovakriste tjiva sokurisuvera oveni momuano omuwa?

Eṱe tu sokusuvera ovakwetu otja tji twe risuvera oveni. (Mar. 12:31) Ovarumendu ve “sokusuvera ovakazendu vawo otja tjinga ava suvera otutu twawo oveni.” (Ef. 5:28) Otjiperi kutja okurisuvera oveni mape ya a ku ungurisiwa momuano omuvi.—w18.01, omuk. 23.

Ovikwaye mbi matu yenene okutjita kutja tu kare noupanga ouwa ku na Jehova?

Matu sokukonḓonona Embo ra Mukuru nokuripurira ko oukoto, nokuyenenisa mbi matu lese mehupo retu. Nu wina nga tu yandjere ombepo ondjapuke kutja i tu hongorere, nu nga tu yakure ombatero ya varwe.—w18.02, omuk. 26.

Ongwaye ovatjiwe vozonyose nozombuke tji ve ha tjiwa oruyaveze?

Pe nomapu pekepeke, posi yokutja otjiṋa otjinahepero, Ombeibela kai yakura omaunguriro woviṋa mbyo.—wp18.2, omuk. 4-5.

Matu sokukara noumune uṋe indu tji twa ṋangwa keriro?

Indu tji twa yakura omaṋangero, nga tu kare nouatjiri. (Eps. 15:4) Atu i sakisa mena rokutja twa ṋangwa kwarwe ku matu munu kutja okusemba ku ingwi ku twa ri atwa ṋangwa. Ingwi ngwe ku ṋanga wa kondjo nomasa okukurongerisira eriro.—w18.03, omuk. 18.

Varumendu mbu mu hongorera po ombongo rihongereye ku Timoteus?

Timoteus ee rikendere kovandu nu aruhe aa twa po otjiungura tja Jehova poruveze orutenga. Aa ungura oukukutu moviṋa oviyapuke nu aa ṱakamisa imbi mbye rihongo. Eye ee rihongo nomasa nu aa ṱaṱere kombepo ya Jehova. Ovanene vombongo na varwe mave yenene okuhorera ku ye.—w18.04, omuk. 13-14.