Ovazuvarise ovengi ve ungurisa o-JW Library^® okurirongerisira kozombongarero zombongo, nu ve nondangi nomuano mu i raisa otupa twomakonḓononeno twOruhungu. Posi yokutja, okambo komakonḓononeno kOruhungu potuingi ke kamburira mo otupa twarwe tu tu vatera okukurisa oupanga wetu ku na Jehova. Ove mo yenene vi okumuna otupa twi nokumuna mo ouwa okupitira mo-JW Library?

• Komaandero worupa aruhe rwOruhungu, pe kara omambo wokombanda nga “Additional Reading.” Kehi yomambo wokombanda nga, nḓereka po linka ndji “Other articles in this issue.” Tara komurya ku mo munu omambo wokombanda nozonomora zotupa twomakonḓononeno. Nḓereka kepu rorupa ndu mo vanga okulesa.

• Pomautiro wo-JW Library kehi yorupa ndwi “What’s New,” nana okambo kOruhungu okape tji ka piti. Paturura okambo ku wa nana nu u tare komurya kutja u mune ouwa motupa atuhe.