Eṱe matu yenene okuisirwa omauvi wetu okupitira motjisuta tjonguturiro Jesus tja suta nombinḓu ye. (Ef. 1:7) Posi ya Ombeibela i tja Mukuru “omauvi Eye rukuru nge ha verere mouretima we, wa isira,” komurungu waindu Jesus tja yandja otjisuta tjonguturiro. (Rom. 3:25) Jehova aa yenene vi okukongorera omirari vye vyousemba nokuisira ouvi ngunda otjisuta tjonguturiro atji hi ya sutwa?

Jehova wa kwizika ‘ondekurona’ ndji mai kayama imba mbe nongamburiro mu ye nomakwizikiro we. Indu eye tja tjita omakwizikiro ngo, ya ri tjimuna otjisuta tjonguturiro tja sutwa rukuru. (Gen. 3:15; 22:18) Mukuru aa tjiwa nawa kutja moruveze Eye ndu ma vanga, Omuna we me riyandja omuini otjotjisuta tjonguturiro. (Gal. 4:4; Hebr. 10:​7-10) Jesus tjaari kombanda yehi, Jehova we mu pa ouyara wokuisira ouvi komurungu wotjisuta tjonguturiro. Jesus aa yenene okuisira omauvi waimba mba ri nongamburiro, mena rokutja aa tjiwa kutja otjisuta tjongutiriro matji vandeke omauvi wawo.—Mat. 9:​2-6.