Hapo ove u vanga okurihonga ovingi momakonḓononeno woye omuini wOmbeibela? Omapu nga maye ku vatere kutja u rihonge nawa:

• Paha oruveze oruwa. Kondja okupaha oruveze orukohoke nu ndu nondjerera onyingi kutja u yenene okulesa nawa. Ove mo yenene okuhaama potjitiha poo okahaama poruveze oruwa pendje.

• Paha oruveze pu mo yenene okukara erike. Jesus wa toorora okukakumba “menyunguhuka” poruveze “pa kakara erike.” (Mar. 1:35) Indu ove tji u hi nokuyenena okukara erike, raera eṱunḓu roye poo imba mbu mu kara pamwe kutja ove mo kerihonga, nu ve ningira kutja ave he ku isa ko ombango.

• O yandjere oviṋa okukupora ombango. Indu ove tji u ungurisa ongoze poo okakombiuta komomake okutjita omakonḓononeno, tjita kutja ake he ku isa ko ombango. Indu tji wa zemburuka kutja u notjiṋa tji mo hepa okuungura ngunda amo rihongo, tjanga otjiṋa ho kutja kombunda o ha zembi. Nu kayende komurungu okurihonga. Tji ya rire ouzeu kove okuyandja ombango, kerinane kaṱiṱi.