Hapo ouzeu kove okuzemburuka oviṋa mbi we rihongo? Povikando tjiva, mape ya atu zembi. Ovikwaye mbi mavi yenene okukuvatera? Ripurira komapu omananḓengu ngu we rihongo.

Ngunda amo rihongo, hekana movikando kutja u ripurire koviṋa mbi we rihongo. Omuapostele Paulus wa hungira omambo nga kovakambure ovakwao morutuu rwe, nu wa tja: “Nepu enanḓengu tjinene, ndi matu hungire oro ndi.” (Hebr. 8:1) Momuano mbwi, eye wa vatera ovapuratene ve okuzuva nawa imbi mbyaa hungire, nomuano oviṋa avihe mbyaa hungire mu vi hitasana.

Mape ya o twa po oruveze rwozominute 10 komaandero womerihongero woye, okuripura oukoto ohunga na imbi mbi we rihongo. Indu tji u hi nokuyenena okuzemburuka omapu omananḓengu nawa, tara rukwao komapu wokombanda poo lesa omuhewo omutenga woparagrafa aihe okukuvatera okuzemburuka. Tji we rihongo otjiṋa otjipe, kondja okutjikahurura momambo woye omuini. Indu tji mo ripura rukwao ohunga na imbi we rihongo, maku rire oupupu okuvizemburuka, nu wina mo yenene okuzuva nawa omuano mu mavi ku vatere mehupo roye.