ORUPA RWOMAKONḒONONENO 35
Jehova u vara ovakarere ve overisusuparise
“Muhona . . . u na ko na tja noverisusuparise.”—EPS. 138:6.
EIMBURIRO 48 Ngatu kayende puna Jehova eyuva arihe
OMAPU KU MATU KATARA *
1. Jehova u noumune uṋe ohunga novandu overisusuparise? Kahurura.
JEHOVA wa suvera ovandu overisusuparise. Ovandu overisusuparise uriri, mbe yenena okukara noupanga wopopezu kuna ye. Posi yokutja, ‘overitongamise Eye u ve mwina kokure.’ (Eps. 138:6) Atuhe tu vanga okuyorokisa Jehova nokukara noupanga wopepezu kuna ye. Kunao tu nomapu omawa okukondja okurira ovandu overisusuparise.
2. Matu kahungirira ku ye morupa ndwi?
2 Morupa ndwi matu kahungirira komaziriro womapuriro yetatu nga: (1) Omerisusuparisiro otjikeṋa? (2) Ongwaye tji twa sokukara notjikaneṋa ho? (3) Ozongaro zeṋe nḓe rora omerisusuparisiro wetu? Otja tji matu kamuna, okukara nomerisusuparisiro ku yorokisa omutima wa Jehova nu ku tu yetera ouwa.—Omiano 27:11; Jes. 48:17.
OMERISUSUPARISIRO OTJIKEṊA?
3. Omerisusuparisiro otjikeṋa?
3 Omerisusuparisiro okurivara nonḓengu yokehi pu varwe, nokuhina okuritongamisa. Ombeibela i raisa kutja omundu omurisusuparise u kara noumune ouwa ohunga noupanga we kuna Jehova Mukuru na varwe. Nu wina u vara ovandu varwe otja ovanene pu ye omuini.—Fil. 2:3, 4.
4-5. Ongwaye ovandu mbe munika tjimuna overisusuparise tji ve he ri overisusuparise?
4 Ovandu tjiva ve munika tjimuna ovarisusuparise. Owo mape ya ovandu mba mwina nu mbe nohoṋi. Poo mape ya ve raisa ondengero nongaro ombwa ku varwe, mena rokutja ve Luk. 6:45.
kurisiwa nao. Nungwari mourekoto wawo, owo mape ya ovandu overitangamise tjinene. Korusenina owo tjiri ve raisa kutja ovandu mbe ri vi.—5 Nungwari ovandu mbe munika tjimuna ve nongamburiro mu wo oveni nokuhungira oumune wawo, ihi katji hee kutja owo overitongamise. (Joh. 1:46, 47) Posi yokutja imba mbe hi nohoṋi mave sokuṱakamisa kutja ave ha ṱaṱere ku wo oveni. Kainatja kutja oweṱe ovandu mbe ri vi, atuhe matu sokuungura oukukutu kutja tu rire overisusuparise tjiri.
Omuapostele Paulus ee risusuparisa nu kaa munu kutja omunanḓengu pu varwe (Lesa oparagrafa 6) *
6. Otja 1 Ovakorinte 15:10, matu rihongo tjike kotjihorera tjomuapostele Paulus?
6 Tara kotjihorera tjomuapostele Paulus. Eye aa ungurisiwa tjinene i Jehova okuzikamisa ozombongo ozombe movihuro pekepeke. Paulus mape ya wina wa ungura tjinene motjiungura tjokuzuvarisa okukapita ovaapostele varwe va Jesus Kristus. Posi yokutja eye kaa munu kutja omunanḓengu tjinene povakwao. Nomerisusuparisiro eye wa tja: “Nami hapo owami omuhinanḓengu tjinene povaapostele avehe, nu hi yenene okuisanewa omuapostele, tjinga iye tatumisa ombongo ya Ndjambi.” (1 Kor. 15:9) Paulus okuzambo wa raisa kutja eye u noupanga ouwa kuna Jehova, mena rotjari Jehova tje mu raisira, nungwari kaa ri mena roviṋa ovingi mbyaa tjita. (Lesa 1 Ovakorinte 15:10.) Paulus wa raisa otjihorera otjiwa tjomerisusuparisiro. Indu tja tjanga oruutu kOvakriste moKorinte, eye ke ritongamisire nandarire kutja ovarumendu tjiva mombongo ndjo aave ritongamisa nokumuhungira omambo omavi!—2 Kor. 10:10.
Mbuti Karl F. Klein, wa ri omurisusuparise nu wa ri okaṋepo kOrutu Orunane (Lesa oparagrafa 7)
7. Omukambure omutjiukwa wa raisa vi kutja omurisusuparise?
7 Ovakarere va Jehova ovengi va tunduuzwa i yehungi ra Mbuti Karl F. Klein, ngwa karere otjokaṋepo kOrutu Orunane. Mehungi re, *
Mbuti Klein wa raisa omerisusuparisiro indu tja hungira ouatjiri ohunga noungundipare we, nomauzeu omengi nga munu mehupo re. Otjotjihorera, eye wa kondja okuzuvarisa okuza kondjuwo nga kondjuwo otjikando otjitenga mombura ndji 1922. Yari ouzeu kuye okuzuvarisa momuano mbo nu ka zuvarisire rukwao oure wozombura mbari. Kombunda, ngunda e karera poBetel, omurumendu omukambure we mu ronga nu iho tje mu pindikisa oure woruveze orure. Eye wina wa verere, nu kombunda wa kara nawa. Nandarire nao, eye wari nomerizirira omengi omananḓengu. Mbuti Klein wa raisa kutja omurisusuparise tjiri, indu tja hungira ohunga noungundipare we oupaturuke nandarire kutja wa ri omutjiukwandu! Ovakambure ovengi ve zemburuka Mbuti Klein nehungi re rouatjiri.ONGWAYE TJI TWA SOKUKARA NOMERISUSUPARISIRO?
8. Omomuano uṋe 1 Petrus 5:6 mu ri tu vatera okumuna kutja omerisusuparisiro ye yorokisa Jehova?
8 Epu rimwe enanḓengu tjinene ndi twa sokukara nomerisusuparisiro, omena rokutja ku yorokisa Jehova. Omuapostele Petrus wa kahurura otjiṋa hi nawa. (Lesa 1 Petrus 5:6.) Okuisira komambo wa Petrus, embo ndi “Come Be My Follower” ri tja: “Omeritongamisiro ye ri tjimuna omuti omunawanga, nu omunaumba. Indu tji u nondjiviro onyingi nu tji mo ritongamisa ku tjita kutja o ha yakurwa i Mukuru. Nungwari omerisusuparisiro ye tjita kutja omundu ngu nondjiviro onḓiṱi, ma yakurwe i Jehova. Nu Jehova ma kara nondjoroka tjinene okukupa ondjambi komerisusuparisiro woye.” * Otjiṋa tjimwe otjiwa tji matu yenene okutjita okuyorokisa omutima wa Jehova!—Omiano 23:15.
9. Ongwaye varwe tji ve vanga okukara popezu na eṱe, tji tu ri ovandu overisusuparise?
9 Pendje nokuyorokisa Jehova uriri, eṱe wina tu muna ouwa mokukara nomerisusuparisiro. Tji tu ri overisusuparise varwe ve vanga okukara popezu na eṱe. Ongwaye tji matu tja nao, ripura uriri kutja wa suvera okukara ku novandu mbe ri vi. (Mat. 7:12) Otjingi tjetu ka tu vanga okukara ku nomundu ngu vanga kutja varwe ve tjite eye mbi ma vanga aruhe, nu ngu ha puratene koumune wa varwe. Posi yokutja, tu tjaterwa okukara pu novakambure ovakwetu mbe tu ‘suvera otja omundu nomuṱena mongamburiro; mbe nyanukirasana nu mbe riwisa kehi ya varwe.’ (1 Petr. 3:8) Tji tu vanga okukara pu novandu mbe ri nao owo wina mave vanga okukara puna eṱe, indu tji tu ri ovandu overisusuparise.
10. Ongwaye tje ri oupupu kovandu overisusuparise okutuurunga omauzeu mehupo?
10 Okurisusuparisa wina ku tjita kutja ehupo retu ri rire epupu. Povikando tjiva eṱe mape ya atu munu poo atu tjindwa momuano mbu matu munu kutja omuvi. Ombara Salomo ngwa ri onongo wa tja: “Ami mba muna ovakarere mbuyave kavire oukambe, ozohivirikwa ngunda iyaze kawondja pehi otja ovakarere.” (Omuzuv. 10:7) Povikando tjiva ovandu mbe nondjiviro onyingi ka mbe tangwa. Nu imba mbe nondjiviro onḓiṱi ombe tangwa. Nandarire kutja pe ri nao, Salomo wa raisa kutja ma rire nawa kweṱe tji twa yakura omuano ehupo mu ri ri, pendje nokupindika indu oviṋa tji vi hi nokukayenda nawa mehupo. (Omuzuv. 6:9) Tji tu ri ovandu overisusuparise, ku rire oupupu kweṱe okuyakura omuano ehupo mu ri ri, nungwari kamuano eṱe mu matu vanga kutja ri kare.
OZONGARO ZEṊE NḒE RORA OMERISUSUPARISIRO WETU?
Ongaro otja indji i rora vi omerisusuparisiro wetu? (Lesa oparagrafa 11-12) *
11. Matu sokutjita vi indu tji twa rongwa?
11 Eyuva arihe matu yenene okuraisa kutja oweṱe ovandu overisusuparise. Tara kovihorera tjiva mbi. Indu tji matu rongwa. Matu sokuzemburuka kutja omundu tja toora omukambo wokuturonga, mape ya kutja tjiri twa tjiti otjiṋa otjivi atu hi nokutjiwa. Omundu tje tu rongo, eṱe mape ya atu ha vanga okupuratena keronga ndo. Nu mape ya atu utu okuhungira omambo omavi ohunga nomundu ngo poo nomuano mbwe tupe erongo ndo. Posi yokutja tji tu ri ovandu overisusuparise matu kondjo okuraisa ongaro ombwa.
12. Otja kOmiano 27:5, 6, ongwaye tji matu sokuraisa ondangi komundu ngwe tu rongo? Yandja otjihorera.
12 Omundu omurisusuparise u raisa ondangi keronga nda pewa. Otjotjihorera, ngatu tje u ri pozombongarero zombongo. Nu tji wa zu nokuhungira ku novakambure tjiva, umwe wawo e ku nanene kokure novandu nekuraere kutja u novikurya momayo. Tjiri mutu mo ṱohoṋi! Posi yokutja mo kara nondangi kutja eye we ku raere. Nu mape ya ozeri kutja omundu warwe andakuzu we ku raere rukuru! Momuano otjingewo, matu sokurira overisusuparise nokuraisa ondangi indu tji twa pewa eronga i yomukambure omukwetu. Eṱe matu sokuvara omundu ngo otja epanga retu, nungwari kamunavita na eṱe.—Lesa Omiano 27:5, 6; Gal. 4:16.
Ongwaye tji tu hepa omerisusuparisiro indu varwe tji va pewa otjiungura otjipe? (Lesa oparagrafa 13-14) *
13. Matu raisa vi omerisusuparisiro indu varwe tji va munu omerizirira omape?
13 Indu varwe tji va munu omerizirira omape. Omunene wombongo wena Jason, 1 Tim. 3:1) Posi yokutja, matu sokutjevera omeripura wetu. Tji tu hi nokukengeza, eṱe mape ya atu yandjere omeritongamisiro okukura momutima wetu. Otjotjihorera, omurumendu Omukriste mape ya a utu okuripura kutja eye ongu nomerizirira wokombanda okuungura otjiungura kaaṋi ho mombongo. Poo omukazendu Omukriste mape ya autu okuripura kutja, ‘Omurumendu wandje u nomerizirira wokombanda pomundu karive ngo!’ Posi yokutja, tji tu ri ovandu overisusuparise tjiri matu nakaura ombepo yomeritongamisiro ndjo.
wa tja: “Tji me munu varwe amave munu omerizirira omape, povikando tjiva mbi ripura kutja ongwaye tje he ri ami.” Hapo ove u kara noumune mbo? Otjiṋa otjiwa okuvanga okuungurira Jehova oviungura ovingi. (14. Matu rihongo tjike okuza kongaro Moses ndja raisa indu varwe tji va muna omerizirira omape?
14 Matu yenene okurihongera kongaro Moses ndja raisa indu varwe tji va muna omerizirira omape. Moses wa ri nondangi kotjiungura tje tjokuhongorera po Ovaisrael. Hapo Moses wa raisa ongaro iṋe, indu Jehova tja yandjera varwe okuungura puna ye? Eye kaṱire eruru. (Num. 11:24-29) Eye wa ri omurisusuparise nu wa yandjera varwe okumuvatera okuungura otjiungura tjokupangura otjiwaṋa. (Eks. 18:13-24) Ovaisreal vari novarumendu ovengi mbaave yenene okupangura otjiwaṋa. Iho tji raisa kutja Moses ee ripurire tjinene ku imbi mbi mavi yenene okuvatera varwe kombanda yokukara nomerizirira omengi. Tjiri eye wa raisa otjihorera otjiwa kweṱe! Matu sokuzemburuka kutja tji matu vanga okuyakurwa i Jehova, matu sokurira overisusuparise pendje nokukara nondjiviro onyingi. Nandarire kutja “Muhona wa tongama kombanda, Eye u na ko na tja noverisusuparise.”—Eps. 138:6.
15. Omauzeu yeṋe ovakambure ovengi ngu va muna?
15 Indu tji matu munu omarundurukiro. Mozombura nḓa, ovakambure ovakwetu ovengi mba karera Jehova oure woruveze orure
va muna oviungura ovipe. Otjotjihorera, mombura ndji 2014, ovatarere votukondwa novakazendu vawo va ningirwa okuungura otjiungura tjarwe. Mombura otjingewo, otjira tja tya kutja ovatarere mbe varura ozombongo ve sokuisa otjiungura tjawo tjo tji va tjiti ozombura 70. Nu ovarumendu ovakambure wozombura 80 poo kombanda yanao, kave karere rukwao otjovaworonganise worutu rwovanene vombongo. Nu wina mozombura nḓa kapita, ovandu ovengi meṱunḓu roBetel va hindwa kotjiungura tjokuzuvarisa. Varwe aave sokuisa okukarera Jehova oruveze aruhe mena rouvere, omerizirira weṱunḓu poo mena romauzeu warwe.16. Omomuano uṋe ovakambure ovakwetu mu va raisa omerisusuparisiro kotjiungura tjawo otjipe?
16 Omarundurukiro otja ingo ka ya ri omapupu kovakambure ovengi mbo okutjita. Otjingaperi kutja, ovakambure mba va suverere otjiungura tjawo otjikuru, tji va ungura oure woruveze orure. Tjiva tjaave tjiti omarundurukiro ngo, owo aave “hihamwa tjinene.” Nu oruveze tjaaru kayenda, owo va yenena okuiririra. Omena ra ye? Otjiṋa tji tje ve vatera tjinene, ya ri orusuvero rwawo ku Jehova. Owo aave tjiwa kutja ve riyandja ku Mukuru, nungwari ka koviungura poo okutjiukirwa kotjiungura ho. (Kol. 3:23) Owo ve nondjoroka okukarera Jehova nomerisusuparisiro motjiungura ngamwa atjihe. Nu wina ‘omerikendero wawo aehe ve yumba kombanda Ye,’ mena rokutja ve tjiwa kutja u rikendera wo.—1 Petr. 5:6, 7.
17. Ongwaye tji tu nondangi kutja Embo ra Mukuru ri tu tunduuza kutja tu rire overisusuparise?
17 Eṱe tjiri tu nondangi kutja Ombeibela i tu tunduuza kutja tu rire overisusuparise. Tji tu ri overisusuparise, varwe ve vanga okukara popezu na eṱe, nu ku tu etera ouwa na varwe wina. Nu tu yenena okutuurunga omauzeu mehupo. Kombanda yaavihe, eṱe tu tumbuka popezu na Tate wetu womeyuru. Tjiri tu nondjoroka okutjiwa kutja nandarire kutja Mukuru “omuyapuke wokombandambanda,” eye wa suvera nu u vara ovakarere ve overisusuparise!—Jes. 57:15.
EIMBURIRO 45 Omeripura womutima wandje
^ par. 5 Otjikaṋena tjimwe otjinanḓengu tjinene tji matu sukukara na tjo omerisusuparisiro. Omerisusuparisiro otjikeṋa? Ongwaye tji twa sokukara nomerisusuparisiro? Nu omomuano uṋe omarundurukiro motjiungura tjetu mu ye rora omerisusuparisiro wetu? Morupa ndwi matu katara komapuriro omananḓengu ngo.
^ par. 7 Lesa orupa ndwi “Jehovah Has Dealt Rewardingly With Me” mokambo kOruhungu 1 ku Oktoba, 1984.
^ par. 8 Lesa ekond. 3, opar. 23.
^ par. 53 OMAKAHURURIRO WOVIPERENDERO: Ngunda e ri poyomukambure omukwao, omuapostele Paulus u nondjoroka okuserekarera kuna varwe novanatje.
^ par. 57 OMAKAHURURIRO WOVIPERENDERO: Omurumendu omukambure ma yakura erongo nda zikamene kOmbeibela okuza komukambure omutanda.
^ par. 59 OMAKAHURURIRO WOVIPERENDERO: Omukambure omunene motjiwondo ke nokuṱeruru nomukambure omutanda ngu nomerizirira mombongo.