Ondando ka ruroto uriri oyo otjiṋa tji mape ya otjitjitwa. Ondando yatjiri i kamburira mo oviungura, nokuungura oukukutu.

Ozondando ze yenene okurira ozosupi (nu ze yenena okukambura omayuva poo ovivike okuzeyenenisa), zarwe ze yenene okukambura orure kaṱiṱi okuzeyenenisa (omieze), nu zarwe ze kambura orure tjinene (ombura poo kombanda yanao). Ozondando nḓe kambura orure ze yenena okuyenenisiwa indu tji mokondjo oukukutu.

Okuyenenisa ozondando kutjita kutja u kare nongamburiro move omuini, kupamisa oupanga, nu kutjita kutja u kare nondjoroka onyingi.

Okukara nongamburiro move omuini: Indu tji wa twapo ozondando ozonḓiṱi nozeyenenisa, ove u kara nongamburiro okutjita inḓa ozonḓeu. Ove wina u kara nongamburiro indu tji mo munu omauzeu, na indu tji mo munu oṋiṋikizire okuza ku varwe

Oupanga: Ovandu ve tjaterwa okukara pu novandu mbe tjiwa kutja ve vanga ye nu mbe kara nonḓero okuungurira otjina kaaṋi ho. Kombanda yanoa, omuano umwe wokupamisa oupanga okuungura ku nomundu ngu muno zondando zemwe.

Ondjoroka: Indu tji wa twapo ondando nokuiyenenisa, ove u kara noumune ouwa.

“Mbasuvera okukara nozondando. Ozo ze tjita kutja mbi kare notjiṋa tji me ungura nu mbi kara nonḓero okuzeyenenisa. Indu tji wa yenenisa ondando, i rira otjiṋa otjiwa nu u tjaterwa okuhungira omambo nga, ‘Tjiri mba yenenisa ondando ndji. Ami mba tjiti imbi mbi mba tja me tjiti.’”—Christopher.

OMURARI WOMBEIBELA: “Omundu ngu yevayeva ombepo uriri kamaa kunu nu ingwi ngu tara kovikamba uriri kamaa kondo ovihape.”—Omuzuvarise 11:4

Tjita oviṋa mbi mavi kongorere kehi mba kokutja u yenenise ozondando zoye.

Paha. Tjanga ozondando nḓu movanga okuungurira ko, nu toorora inḓa nḓu movanga okuungurira ko rutenga, na zarwe.

Ungura. Kondando aihe, ungura oviṋa mbi:

• Tjanga kutja moze yenenisa ruṋe.

• Tjanga oviṋa mbi mavi komburire mo.

• Undjira ko omauze nu u ripurire kokutja motuurunga vi.

Toora omukambo. Oundju ngandu indu tji wa munu oviṋa avihe okutoora omukambo. Ripura omuini kutja, ‘Otjikeṋa otjitenga tji mbi sokutjita okuyenenisa ondando yandje?’ Okuzambo toora omukambo. Tara koviṋa mbi wa ungurire ko otja tjo mo yenenisa ozondando zoye.

OMURARI WOMBEIBELA: “Omeripura wepatje ye eta ovihohe ovingi.”—Omiano 21:5.