Omaprofetero 4. Orusuvero rwovengi rwa pora
Omaprofetero 4. Orusuvero rwovengi rwa pora
“Ovandu . . . mave rire ovehinarusuvero.”—2 TIMOTEUS 3:1-3.
● Chris ngu ungura morupa ndu notjiṋa notjitandi tjopozonganda moNorth Wales wa tja: “Ami me zemburuka omukazendu umwe ngwa tonenwe tjinene ngandu tjee ha yenene okumuzemburuka. Ovakazendu varwe va hihamisiwa momuinyo tjinene, nu kave yenene okutara omundu momurungu.”
HAPO OMAPU YEṊE NGU MAYE ṊUNISA OTJIṊA HI? Mehi rimwe ra Africa, ape omukazendu 1 movakazendu 3 wa rora okutjerewa tja ri omuṱiṱi. Ongonḓononeno ndja tjitwa mehi ndo, wina ya raisa kutja ovarumendu tjiva aave munu kutja otjiṋa otjiyakurwa okutona ovakazendu vawo. Posi yokutja, kavakazendu aveyerike mbe tatumisiwa pozonganda. Otjotjihorera, ovarumendu ape 3 movarumendu 10 moCanada aave tonwa poo okutatumisiwa i yovakazendu vawo.
OVANDU OVENGI VE PIRURA VI OUMUNE MBWO? Owo ve tja, otjitandi tjopozonganda otjiṋa tji tji kara po aruhe. Omena rokutja rutenga kaa tji pewa ombango tjimuna nai.
HAPO OUMUNE MBWO OUATJIRI? Otjitandi tjopozonganda tja uta okupewa ombango tjinene mozombura nḓa. Nu hapo iho tja tjita kutja otjivarero tjotjitandi tjopozonganda tji yaruke kehi? Kako katjiperi. Orusuvero rwovandu ovengi ndino ondwa pora.
HAPO OVE U NOUMUNE UṊE? Hapo 2 Timoteus 3:1-3 ra yenenisiwa? Hapo ovandu ovengi kave norusuvero ndu va sokukara naro komaṱunḓu wawo?
Omahunganekero oyetjatano nge yenenisiwa ndino, ye kamburira mo ouye. Tara kutja Ombeibela i tja vi ohunga notjiṋa ho.
[Blurb]
“Motjiwaṋa, otjitandi tjopozonganda tji tjiukwa kutja i tjimwe tjoumba mbu ha rapotwa tjinene. Peya omukazendu a tonwa i yomurumendu we povikando ape 35 ngunda ehiya rapota ondjito ndjo.”—OMUKAZENDU OMUHUNGIRIRE PO WO WALES DOMESTIC ABUSE HELPLINE.