Pe noviungurisiwa ovingi mo-JW Library mbi ku vatera okuṱuna omambo woye momuano mbu mo vanga. Oviungurisiwa mbi mo vi vaza kombanda komanene woye tji mo lese ekondwa poo orupa rwembo.

Kongorera omirari mbi kutja u rundurure omuano woye womalesero:

• Rundurura eraka

• Rundurura ounene womambo

• Tara Otjiperendero poo Omambo

• Ombandi ndji Open in . . .

• Ombandi ndji Customize tji mo paha ozOmbeibela

Mo yenene okurundurura eraka rekondwa poo orupa ndu mo lese nai.

• Nḓereka pombandi yomaraka kutja u mune omaraka aehe nge norupa ndu mo lese nai. Omaraka ngu u ungurisa tjinene ye kara kombandambanda moruteto. Okambo nga The Watchtower ku ka ririsiwa okapupu, wina ke raisiwa mbo. Ove wina mo yenene okupaha moruteto ndwi mokutjanga eraka ndi mo paha.

• Omaraka ngu u hina wo ngunda ye raisiwa nokakamba nga. Nḓereka peraka kutja u nane embo ndi mo vanga. Tji wa zu nokutwa embo kokayendjezewa koye, okakamba ke zapo. Nḓereka peraka rukwao kutja u lese embo.

Mo yenene okurundurura ounene womambo kutja u lese nawa.

Otupa tjiva matu yenene okupatururwa otjoviperendero poo otjomambo. Nḓereka pombandi ndji kutja u toorore.

• Tara otjiperendero: Omuano wotjiperendero u raisa omukuma otja tji u ri membo. Ovandu tjiva mape ya ave zeri okuungurisa omuano mbwi momambo tjimuna embo romaimburiro, otjiperendero mu tji raisa ovinote vyeimburiro.

• Tara omambo: Omuano womambo u raisa omatjangwa otjolinka pu u yenena okunḓereka mounene womambo mbu mo vanga.

Otjiungurisiwa hi Open in . . . tji ku yandjera okumuna oviṋa vyo-JW Library mozoprograma zarwe.

Tji wa nḓereke petjangwa rOmbeibela membo, mo munu omazeva nga raisiwa. Nḓereka pu pa tjangwa Customize kehi yomazeva nga raisiwa okutoorora kutja ozOmbeibela zeṋe mu inḓa nḓu u na zo, nḓu mo vanga kutja ze raisiwe moruteto.

Tara korupa ndwi “Nana nu u ungurise Ombeibela​—Android” kutja u rihonge okutwamo ozOmbeibela zarwe mo-JW Library.