Ovahongonone va Jehova ve tjita kutja i rire oupupu kove okurihonga imbi Ombeibela mbi i honga. Omerihongero wetu wOmbeibela maye yenene okukuvatera kutja:

•   U kare nehupo eṋingandu

•   U rire epanga ra Mukuru

•   U rihonge imbi Ombeibela mbye tu kwizikira moruyaveze

Omukuma mbwi

•  Hapo pe tjitwa tjike pomerihongero wOmbeibela?

•  Hapo me hepa okusuta tji me rihongo?

•  U rihonga oure mbu ṱeki pi?

•  Hapo me utu vi?

•  Me yenene okutara kutja omerihongero ye kayendisiwa vi?

•  Indu tji mba utu okurihonga Ombeibela, hapo me ṋiṋikiziwa okurira umwe wOvahongonone va Jehova?

•  Hapo mape ya e ungurisa Ombeibela yandje omuini?

•  Hapo mape ya e ṋanga varwe okukara pomerihongero wandje wOmbeibela?

•  Hapo tjike indu tji mbe rihonga Ombeibela pu nOvahongonone va Jehova morukapitaveze? Hapo mape ya e rihongo rukwao?

•  Hapo mu yandjera ovandu okurihonga Ombeibela oveni nokuhinomundu ngu me ve hongo?

 Omundu ngu me ku hongo Ombeibela ma yenene okukuvatera okuzuva Ombeibela nawa, otja tji mamu rihongo okuza mehongwa arihe. Otja tji mo rihongo embo ndi, Yorokera ehupo nga aruhe, ove kouṱiṱiṱiṱi mo yenene okurihonga ombuze yOmbeibela, nomuano mu mai yenene okukuvatera. Tji mo vanga okutjiwa ovingi, tarera okavidio nga.

 Kako. Ovahongonone va Jehova ve kongorera omurari Jesus mbwa yandja kovahongewa ve mbu tja: “Eṋe mwa pewa uriri, nopu mwa sokuyandja uriri wina.” (Mateus 10:8) Nu wina ove ko nokuhepa okusuta oviungurisiwa mbi mo pewa, mbi mavi kamburire mo Ombeibela nembo ndi, Yorokera ehupo nga aruhe.

 Omerihongero ayehe ye kamburira mo omahongwa 60. Matji zu kove omuini kutja mo vanga okurihonga ovikando vingapi, posi ya ovahongwa ovengi ve kambura ape ehongwa rimwe poo kombanda yanao motjivike.

1.  1. Tjanga ondjivisiro morungovi rwetu. Eṱe matu ungurisa ondjivisiro yoye ndjo kokutja u hakaene ku na umwe wOvahongonone va Jehova.

2.  2. Omukuhonge ma hakaene ku na ove. Omundu ngu me ku hongo me ku kahururire oukahu oviṋa avihe mbi mavi tjitwa momerihongero woye wOmbeibela, nu ma ziri omapuriro ayehe ngu u na wo.

3.  3. Ove nomukuhonge mamu sokuzuvasana. Mamu yenene okurihonga amu ri pamwe, mongoze, morungovi, moposa, poo mo-email. Omerihongero wOmbeibela nga ye kambura ape oiri imwe, posi ya ove mo yenene okurihonga kehi yoiri imwe poo kombanda yanao, otja pu mo yenene.

 Ii. Okutjita nao, tjanga ondjivisiro yoye morungovi rwetu. Indu tji wa hakaene ku nomukuhonge, mu tjivisa rukuru kutja ove mo vanga okutara kutja oviṋa mbi mo vanga, poo indee. Eye ma ungurisa okambo nga Yorokera ehupo nga aruhe, ku make kamburire mo omahongwa yetatu omatenga, ngu maye yenene okukuvatera okumuna kutja oviṋa mbi mavi ku tjatere poo indee.

 Kako. Ovahongonone va Jehova va suvera okuhonga ovandu ohunga nOmbeibela, posi ya katu ṋiṋikiza ovandu okurira ouṋepo wongamburiro yetu. Nungwari, eṱe tu honga ovandu ohunga na imbi mbi ri mOmbeibela, nu tu ve yandjera okuritoororera oveni kutja ovikwaye mbi mave kambura mo.—1 Petrus 3:15.

 Ii, ove mo yenene okuungurisa Ombeibela aihe ndji mo vanga. Eṱe tu tjaterwa okuungurisa Ombeibela ndji o-New World Translation of the Holy Scriptures, ndji ri ongahu nu ndji nouatjiri. Posi ya, ovandu ovengi ve vanga okuungurisa Ozombeibela zawo, nḓu va iririra okuungurisa.

 Ii. Ove mo yenene okuṋanga eṱunḓu roye arihe poo omapanga woye ngu mo vanga okuṋanga.

 Ii. Ove mo yenene okutjaterwa i yomerihongero wetu omape, mena rokutja oyo ya ṱunwa kutja ye vatere ovandu ovengi ndino. Oyo ye nozovidio noviperendero ovingi okukapita inga omatenga.

 Ii. Ovahongwa ovengi ve zuva nawa indu tji mave rihongo pu nomundu, posi ya tjiva poutenga ve vanga okurihonga ku wo oveni. Pomukuma pu pe nOviungurisiwa vyomakonḓononeno wOmbeibela, pe raisiwa oviungurisiwa noviṋa mbi mavi yenene okukuvatera tji mo rihongo Ombeibela kove omuini. Oviungurisiwa mbi mavi yenene okukuvatera ovyo mbi:

•   Ouvidio ohunga nOmbeibela. Ouvidio ousupi mbwi u ku vatera okuzuva omahongero omananḓengu wOmbeibela.

•   Omaziriro komapuriro wOmbeibela. Otupa twi tu yandja omaziriro komapuriro omengi wOmbeibela.

•   Bible Verses Explained. Paha kutja omazeva nomambo omatjiukwa wOmbeibela maye hee tjike.