Ovahongonone va Jehova Ovaprotestanta poo indee?
Kako. Ovahongonone va Jehova Ovakriste, nungwari katu rivara kutja oweṱe Ovaprotestanta. Ongwaye tji matu tja nao?
Ovaprotestanta ve tjiukwa “otjongamburiro ndji pirukira ovitjitwa noviṋa Okereka yOkatolika mbi i kambura mo.” Ii, otjiperi kutja Ovahongonone va Jehova kave yakura omahongero wOkereka yOkatolika, posi yokutja katu rivara otjOvaprotestanta, mena romapu ngu maye kongorere mba:
Oviṋa ovingi Ovaprotestanta mbi ve kambura mo vi pirukira imbi Ombeibela mbi i honga. Okutara kotjihorera, Ombeibela i honga kutja “pe na Ndjambi umwe uriri,” nungwari kaku noomukuru vetatu mumwe. (1 Timoteus 2:5; Johanes 14:28) Oyo i honga oukahu kutja Mukuru kavere ovarunde momuriro wotjovasengwa, nungwari omokuveyandeka uriri.—Epsalme 37:9; 2 Ovatesalonika 1:9.
Eṱe katu pirukire poo okukondja okurundurura Okereka yOkatolika poo ozokereka zarwe. Nungwari tu zuvarisa ombuze ombwa yOuhona waMukuru uriri nu tu kondja okuvatera varwe okutunga ongamburiro mombuze ombwa ndjo. (Mateus 24:14; 28:19, 20) Katu nonḓero yokurundurura ozokereka zarwe, nungwari tu zera okuhonga ovandu vomitima omiwa ouatjiri ohunga na Mukuru nEmbo re Ombeibela.—Ovakolose 1:9, 10; 2 Timoteus 2:24, 25.
Mo yenene okutara ku imbi wina
OMAPURIRO NGE PURWA i yovandu OVENGI
Hapo Ovahongonone va Jehova Ovakriste?
Tara komapu ngu maye raisa kutja omena raye tji tu ri Ovakriste, nokutja twa panguka vi kozongamburiro inḓa ozarwe nḓe ritja Ovakriste.
OMAZIRIRO KOMAPURIRO WOMBEIBELA
Hapo ozongamburiro azehe ze ri tjimwe? Nu azehe ze twara ovandu ku Mukuru?
Oviṋa vivari mbya tamunwa mOmbeibela vi yandja eziriro.
ESSENTIAL BIBLE TEACHINGS
Hapo Mukuru u yakura omiano ngamwa avihe vyomerikotameneno?
Ovandu ovengi ve tja kainatja kutja wa toorora ongamburiro iṋe.
OHUNGA NA EṰE
Ozombongarero zombongo zOvahongonone va Jehova
Konḓonona kutja tu woronganena pi nokutja omerikotameneno wetu ye kayendisiwa vi.