Okukavarura oBetel
Matu ku ṋanga okuyekuvarura orutavi rwomberoo rwetu, ndu isanewa kutja oBetel. Pozomberoo zetu tjiva pe nondjivisiro ndji mai ku vatere okutjiwa oruveze nawa.
Okukavarura otutavi twozomberoo rukwao: Momahi omengi, tji ya tjiti 1 ku Juni 2023, ovandu mave yenene okukavarura otutavi twozomberoo rukwao. Kondjivisiro yokomurungu, hakaena ku norutavi ndu mo vanga okukavarura. Arikana o kavarura otutavi twozombero, indu tji wa tarerwe nomunikwa omutjise wo-COVID-19, poo tji mo raisa ovikaṋena vyotjindjumba, poo tji wa ri ku nomundu ngu nomutjise wo-COVID-19.
United States of America
Pomukuma mbwi
Ondjivisiro yokukavarura oBetel
Otuveze
Otuveze tu mo yenene okutara kourike woye poWarwick
Oruveze ndwi The Bible and the Divine Name. Poruveze ndwi pe raisiwa Ozombeibela nḓe ha munika tjinene, nokutja ena ra Mukuru ra ṱakamisiwa vi momatjangwa nandarire kutja ovandu va vanga okuisa mo. Nu wina povikando tjiva pe kara orupa ndu raisa Ozombeibela pekepeke noviṋa vyarwe mbi mavi tjama nOmbeibela.
Oruveze ndwi A People for Jehovah’s Name. Oruveze ndwi ru raisa ekuruhungi romuano Ovahongonone va Jehova mu va tjiwa ouatjiri wOmbeibela. Mo yenene okukamuna oviṋa ovikuru, oviperendero, omahungi wovandu mba muna omuano Jehova ma hongorere po, okuhonga, nokurongerisa ovakarere ve kutja ve tjite ombango ye.
Oruveze ndwi World Headquarters—Faith in Action. Oruveze ndwi ru kahurura oviungura vyokomiti yOrutu Orunane nomuano mu ru vatera Ovahongonone va Jehova okuṱakamisa omirari vyOmbeibela vyokuworonganena pamwe, vyokukaisa po ovandu ovahongewa, vyokutjita oviṋa mbi mavi kurisa ongamburiro yawo, nokuraisasana orusuvero.
Otuveze tu mo yenene okutara kourike woye poPatterson
Otjirongo tjoruveze rwOmbeibela meserewondo etenga. Hapo wa rora okuripura kutja ehupo ra ri vi indu Jesus tja ri kombanda yehi? Poruveze ndwi ove mo yenene okukamuna nokukatjita imbi mbyaavi tjitwa eyuva arihe motjirongo tjoruveze rwOmbeibela meserewondo etenga. Oruveze ndwi maru tjiti kutja u mune ouwa indu tji mo lese Ombeibela yoye.
Oumariva woruveze rwOmbeibela meserewondo etenga. Oruveze ndwi ru raisa oumariva pekepeke weserewondo etenga mbwa tamunwa mOmatjangwa wOtjigrike. Nu poumariva auhe pe kara ondjivisiro onanḓengu nokutja oumariva auhe mau hitasana vi nomahungi wOmbeibela.
Oruveze ndwi “All Your Sons Will Be Taught by Jehovah.” Oruveze ndwi maru raisa ekuruhungi rozoskole nozoprograma zomahongero motjira tja Jehova. Rihonga omuano ozoskole nḓa mu za vatera ovakarere va Jehova okurira ovahonge ovawa vEmbo ra Mukuru novanene vombongo ovawa.
Oruveze ndwi “Defending and Legally Establishing the Good News.” Oruveze ndwi maru raisa omahungi wOvahongonone va Jehova mba ri ovaṱakame, nandarire kehi yondatumisire onḓeu. Tara ku imbi otjira tja Jehova mu tja tjita kutja tu kare nousemba wokuzuvarisa mouparanga wouye.