Ozombongarero zombongo zOvahongonone va Jehova
Rihonga ohunga nozombongarero zetu. Paha oruveze rwopopezu na ove.
Pozombongarero zetu zombongo pe tjitwa tjike?
Ovahongonone vaJehova ve kara nozombongarero zombongo povikando vivari motjivike. (Ovaheberi 10:24, 25) Pozombongarero nḓa, ovandu avehe ku mave yenene okuyenda, eṱe tu konḓonona imbi Ombeibela mbi i honga nokutja matu yenene vi okuṱakamisa omahongero wayo mehupo retu.
Ovapuratene ve yenena okukara norupa mozombongarero zetu, orondu ozengi zazo ze tjitwa momuano wotjihungiriro. Nu kape nomundu ngu ma ṋiṋikiziwa okukara norupa indu tje hi nokuvanga. Ozombongarero zetu ze utwa nokupatwa neimburiro nongumbiro.
Ove ko nakuhepa okurira umwe wOvahongonone vaJehova kutja u yenene okuyenda kozombongarero nḓa. Ovandu avehe mave ṋangwa okuya ku zo. Ovihaamwa kavi sutwa. Kape wongwa ovimariva.
