Ba ujung bulan April 2019, ujan lebat nyadi ba begian timur Afrika Selatan. Ujan lebat ke enda ngetu tu ngujungka ampuh, sereta tanah tusur ba beberapa iti endur ba dalam sereta endur ke ngelingi Durban, KwaZulu-Natal. Nitihka riput, abis nadai 70 iku orang ditabanka penusah tu.

Pampang opis ba Afrika Selatan nadai riput ti madahka bisi menyadi kitai bakal tauka ditabanka penusah tu. Taja pia, bisi 19 iti ruang bilik Saksi Jehovah ke rusak rumah ketegal tanah tusur sereta ampuh. Nambahka nya, penusah ampuh tu mega ngerusak tiga iti Palan Gempuru kitai.

Nengah iring ari Komiti Tulung Pengerusak Alam, bala sukarela Pengawa Ngaga Pelan ba Endur Nya mega datai nulung meresa naka ni pengerusak ke nyadi ba tiap iti rumah ke kena penusah nya. Sida mega ngatur ngambi bala menyadi kitai ke agi diau ba endur ke kena penusah tu dipindahka ngagai endur ti likun.

Kitai amat andal Petara Jehovah deka terus nyukung bala menyadi kitai ba Afrika Selatan sepemanjai sida napi penusah tu.—Masmur 34:19.