Kena 6 September 2019, Bup Kudus Salin Dunya Baru dalam bansa jaku Venda, Afrika, enggau Xhosa dikeluarka ba konvensyen entarabansa di Johannesburg. Tiga bengkah bansa jaku tu dikena lebih ari 16 juta iku orang. Menyadi Anthony Morris, seiku ari Raban ti Ngiring ngeluarka Bup Kudus tu ngagai 36,865 iku orang ke datai ba Stadium FNB. Nambahka nya, bisi 51,229 iku orang mega meda program tu ba endur bukai, iya nya ba Lesotho, Namibia, enggau Saint Helena.

Seiku ari penyalin enggau gagit madahka pemanah Bup Kudus tu, “Semua kami deka macha Bup Kudus ke negu ati kami!” Seiku da agi penyalin madahka, “Utai ke pemadu beguna nya, Bup Kudus ke baru tu ulih ngerapatka agi kaul kami enggau Jehovah, laban nama Iya mayuh ditulis dalam tu.”

Bup Kudus tu mega amat beguna ke bala menyadi maya nginjil. Seiku ari penyalin bansa jaku Xhosa madahka, “Bup Kudus Salin Dunya Baru tu amat beguna ba pengawa nginjil. Mayuh orang ulih terus nemu nama ke diajar dalam Bup Kudus. Kitai enda ibuh nerangka tiap iti leka jaku.” Seiku penyalin bansa jaku Afrika mega madahka, “Diatu, kitai semina patut macha Bup Kudus. Udah nya, Bup Kudus nya empu nerangka reti iya.”

Kitai amat gaga ati laban bala menyadi kitai udah bulih Bup Kudus ke senang dibacha, nyentukka sida ngasaika diri ulih semak ngagai Petara kitai.—James 4:8.