Kena 16 Ogos 2019, ba hari keterubah konvensyen pelilih menua ba Ondangwa Namibia, Saksi-Saksi Jehovah ngeluarka Bup Kudus salin dunya baru jaku Gerika dalam bansa jaku Kwanyama. Bup Kudus tu dikeluarka menyadi Franco Dagostini, seiku ari Komiti Pampang Opis Afrika Selatan, ba Ondangwa Trade Fair Hall.

Seiku ari penyalin Bup Kudus nya madahka, “Ketegal bisi Bup Kudus salin dunya baru tu, mayuh orang ulih macha sereta meretika isi dalam Bup Kudus enggau terang agi. Bala menyadi kitai ulih meda nama Jehovah ba endur ke patut dalam Bup Kudus tu.”

Ba endur pampang opis Afrika, abis nadai bisi 490 iku penginjil ke ngena bansa jaku Kwanyama. Sida nginjil ngagai nyauka 1.4 juta iku orang ke ngena bansa jaku Kwanyama, kelebih agi ba Angola enggau Namibia.

Bup Kudus Salin Dunya Baru, bisi nya udah tembu disalin lalu bisi mega sebagi aja udah disalin ngagai 184 iti bansa jaku. Entara iya, bisi 25 Bup Kudus ke udah tembu disalin nitihka edisyen 2013. Kitai mega sama gaga ati enggau sida, laban sida ulih ngena Bup Kudus tu ngerembaika Jaku Petara ngagai mayuh orang ke ngena bansa jaku Kwanyama.—Kereja Rasul 2:37.