Empai lama ti udah, bisi tanah berenyang ti balat nyadi ba Albania. Nya meh tanah berenyang ti pemadu balat nyadi dalam timpuh 40 taun tu. Tang pemanah iya, nadai seiku pan ari bala menyadi kitai bakal tauka bebadi ketegal penusah tu. Taja pia, bisi 35 buah rumah menyadi, sereta 3 buah bengunan ke nyadika endur Palan Gempuru enda likun dikena agi.

Pemalat tanah berenyang nya makai ngagai 6.4 magnitut. Tu nyadi kena 26 November 2019. Bisi 51 iku orang bebadi, lalu lebih ari 3,000 iku orang bakal, sereta beribu iku orang patut dipindahka ngagai endur ti likun agi. Bala Saksi patut dipindahka ngagai kaban belayan sida ke bukai, tauka ngagai rumah bala menyadi ke bukai. Lalu sida ke ba Palan Gempuru ti rusak, diasuh begempuru ba Palan Gempuru ke bukai.

Seiku tuai gempuru madahka penguntung ke diulih sida sebilik ketegal udah besedia sebedau penusah nya nyadi. Iya madah, “Maya tanah berenyang tu nyadi, kami terus ngambi bik ke udah disediaka kami, lalu kami rari pansut ari rumah. Baik meh bik ke udah disediaka kami nya udah bisi pua, ai, ubat, sereta pemakai. Kami amat beterima kasih ngagai Jehovah sereta Raban ti Ngiring, laban sida amat sayauka kami sereta ibuhka kami.”

Bala tuai ti ngabas terus datai lalu meransang bala menyadi. Bisi mega sekeda tuai ti ngabas, sereta bini iya patut dipindahka ngagai endur likun ketegal apartment sida rusak. Taja pan sida pan napi penanggul, tang sida tetap kisuk ngeringka bala menyadi.

Beberapa iku Komiti Pampang Opis ngelawa endur ke kena penusah tu. Pia mega enggau Komiti Tulung Pengerusak Alam ti nyediaka bantu.

Kitai besampi ngambi bala menyadi kitai ba Albania ulih terus betan napi penusah tu. Lalu kitai mega nganti maya semua pengerusak alam ba dunya tu deka nadai agi.—Rome 8:25.