Ujan bangat ditambahka enggau seleju ke lela, ngujungka bah besai ba Nebraska enggau Iowa nyadi kena tengan bulan Mac 2019. Peninggi ai sungai ba endur nya ngelui tekat ai, lalu ketegal tu beratus buah rumah rusak sereta nabanka abis nadai 4 iku nyawa.

Bisi 5,123 iku penginjil diau ba endur nya. Nitihka riput ari pampang opis Amerika Serikat, nadai seiku pan bala menyadi Kristian kitai bebadi tauka bakal ketegal penusah tu. Taja pia, bisi 84 iku penginjil kitai dipindahka ngagai endur bukai. Kelimpah ari nya, bisi 8 buah rumah menyadi kitai balat rusak, lalu bisi 34 buah da agi rumah rusak mimit.

Bala sukarela ari eklisia ke semak berengkah datai, lalu nulung meresi rumah bala menyadi kitai. Sida dibantu bala menyadi ke gawa ba Opis Ngaga Pelan/Nirika ba Endur Nya. Tuai ti ngabas ba endur nya mega datai meransang bala menyadi ke kena penusah tu.

Aram meh kitai sama besampi, ngambika bala menyadi ba endur nya terus berasai diperansang, ketegal nerima sukung ke diguna sereta tulung ba pengarap, sekumbang maya ti tusah tu.—2 Korint 1:3, 4.