Kena 24 Jun 2019, biau balai enggau ujan bangat nyadi ba Texas begian selatan. Nitihka riput, beratus iti rumah kena ampuh bah, lalu lebih ari 100 iku orang dipindahka ngagai endur ti likun.

Taja pan nadai Saksi ke bakal ketegal penusah tu, bisi 47 iku ari sida patut dipindahka. Kelimpah ari nya, biau balai nya udah nganchurka 45 buah rumah menyadi kitai, lalu siti ari rumah nya segulai enggau Palan Gempuru.

Tuai ti ngabas enggau tuai gempuru ba menua nya, datai meransang bala menyadi kitai ke dituntung penusah tu. Komiti Tulung Pengerusak Alam ngaga atur ngambi ulih nyediaka endur diau, pemakai, ai irup, enggau gari ke dikena ngagai semua orang ke napi penusah tu. Bala sukarela mega berengkah meresi sereta ngaduka rumah ke rusak. Pia mega enggau Palan Gempuru.

Kitai deka terus nyukung bala menyadi kitai ba Texas begian selatan, ke terus andalka Jehovah lalu berani napi penusah ke nuntung sida tu.—Isaiah 26:3, 4.