Nitihka riput, sepemanjai bulan Mei 2019, ujan bangat sereta 500 iti rebut mangka Amerika Serikat.

Saksi-Saksi Jehovah ke diau ba Arkansas, Indiana, Mississippi, Missouri, Ohio, Oklahoma, Pennsylvania, enggau Texas nyadi mansa penusah tu. Kitai amat beterima kasih laban nadai seiku ari menyadi kitai bebadi ketegal penusah tu. Taja pia, bisi enam iku Saksi bakal, lalu empat ari sida patut berubat ba sepital. Kelimpah ari nya, 6 buah rumah menyadi kitai anchur, lalu 98 buah rumah sereta 12 iti Palan Gempuru balat rusak. Tu ngujungka 84 iku menyadi kitai dipindahka ngagai endur ti likun agi.

Bala menyadi kitai terus nyediaka bantu baka pemakai, ai irup, sereta endur diau enda lama ngagai sida ke ditinggang penusah tu. Pia mega, sida terus meresa naka ni pengerusak ke udah nyadi. Bala tuai gempuru sereta tuai ti ngabas ba menua nya terus merindang sereta ngeringka bala menyadi kitai.

Aram meh kitai terus meri sukung sereta besampika bala menyadi kitai, ngambi sida ulih tetap tan maya napi penusah tu.—2 Korint 1:3, 4.