Kena 29 Ogos 2021, Kabut Ida mangka pesisir semak Port Fourchon di Louisiana. Kabut nya dikumbai kategori 4. Kabut nya ngasuh peninggi ai tasik niki ba tebing tasik sereta ngasuh bangat ujan enggau angin kuat. Tu ngujungka ampuh bah nyadi, mayuh bengunan rusak sereta mayuh orang putus karan. Kena 1 September ampuh bah enggau tornado enggau ngenyit nyadi ba begian timur laut. Tu ketegal kabut nya ngemalatka agi gaya hari ke sigi udah enda manah ba endur nya. Ba sekeda endur orang patut nganti beminggu-minggu alai karan deka diaduka baru.

• Naka ke diatu, nadai bala menyadi ke ditemu ke udah bebadi

• 2 iku bala menyadi lelaki bakal mimit

• Seiku menyadi indu tama sepital laban iya bakal lebuh ngerarika diri ari rumah iya

• 1,429 buah rumah rusak mimit

• 183 buah rumah balat rusak

• 19 buah rumah abis rusak

• 43 buah Palan Gempuru rusak mimit

• 10 buah Palan Gempuru balat rusak

• 4 buah Palan Gempuru Besai rusak mimit

• Bala tuai ti ngabas enggau bala tuai gempuru bekerejasama enggau Komiti Tulung Pengerusak Alam meransang bala menyadi ke napi penusah tu

• Pemakai, ai enggau ubat disediaka ngagai sida ke begunaka bantu nya

• Semua bala menyadi ke enggau pengawa meri bantu ngasika iring kena nyeliahka COVID-19

Bala menyadi kitai udah besedia sereta nemu utai ke patut digaga lebuh sesiti pengerusak alam nyadi. Sida mega ngasika perintah lalu mindah ari endur ti bahaya nya. Enggau tu sida ulih likun.—Jaku Dalam 22:3.