Kena 14 November 2019, kes timbak ke dikereja seiku pemelajar nyadi ba siti sekula di Santa Clarita, California. Iya nimbak dua iku pemelajar, ngemediska tiga iku pemelajar ke bukai, lalu ngujungka iya nimbak diri empu.

Kitai berasai sinu amat ati, laban seiku ari mansa ke mati nya, Dominic Blackwell, iya nya anak menyadi indu kitai ke benama Nancy Blackwell. Dominic datai gempuru enggau tetap begulai enggau indai iya. Pemati Dominic tu amat diasaika apai indai sereta tiga iku menyadi iya ke bukai. Bala tuai gempuru meri jaku peransang ari Bup Kudus sereta bantu ke bukai ngagai sida sebilik sereta bala menyadi ke sama eklisia enggau iya.

Kitai sama bela ngasaika penusah ati enggau utai ke nyadi tu. Kitai keran deka nganti maya Petara “ngendas semua ai mata”, nyengkaum pemati, ngulit, sabak, enggau pemedis.—Pemandang 21:4.