Hari Enam, kena 13 Julai 2019, siti kabut ti balat mangka Louisiana lalu pengudah teduh, kabut nya dikumbai Ribut Barry. Ribut tu ngujungka mayuh utai rusak, ampuh bah, sereta putus karan ba menua Alabama, Louisiana, enggau Mississippi.

Nadai penginjil ke bakal tauka bebadi ketegal penusah tu. Tang bisi 123 iku orang patut pindah ari rumah sida. Nambahka nya, 97 buah rumah menyadi enggau 5 buah Palan Gempuru bisi rusak.

Tuai ti ngabas sereta tuai gempuru menua nya datai ngabas mansa, lalu meransang sida. Bala penginjil bukai ke diau semak mega nulung nyediaka ai, pemakai sereta endur diau. Kelimpah ari nya, pengawa ngaduka utai ke rusak mega udah berengkah dipejalaika.

Kitai deka terus besampi lalu meri sukung ngagai bala menyadi kitai ba Amerika Serikat begian selatan, ngambi sida ulih napi penusah tu.—Jaku Dalam 18:10.