Ribut puting beliung ngerusak sekeda ari endur ke bisi ba Alabama, Florida enggau Georgia kena Hari Minggu, 3 Mac 2019. Penusah tu nabanka 23 iku nyawa sereta mayuh orang bakal.

Pampang opis ba Amerika Serikat madahka nadai bala menyadi kitai ke bebadi ba penusah tu. Taja pia, seiku ari menyadi indu kitai bakal lebuh puting beliung tu ngerusak abis rumah iya ba Fort Valley, Georgia. Iya dianjung berubat ngagai sepital ke semak. Nambahka nya, pampang opis madahka bisi enam buah rumah bala menyadi kitai rusak, lalu empat buah rumah da agi rusak abis. Tuai ti ngabas ba endur nya ngatur pengawa ke dikena nulung bala menyadi. Bala menyadi nyediaka pemakai, endur diau, sereta gari ngagai bala menyadi ke kena penusah tu. Tuai gempuru mega meri jaku peransang ke datai ari Bup Kudus.

Kitai besampi ngambika bala menyadi ke kena penusah tu bulih pengelantang ari ayat taun 2019 kitai, “Anang irau, laban Aku tu Petara kita.”—Isaiah 41:10, NW.